О́geı sheshesi men ákesi aıamaı soqqyǵa jyqqan búldirshindi týǵan anasy qaıtaryp alýyn surap otyr

16 mamyr kúni bolǵan oqıǵalardan keıin kishkentaı Krıstına aýrýhanada týǵan anasymen kezdesti, dep habarlaıdy Qamshy aqparattyq agenttigi aktobetimes.kz basylymyna silteme jasap.

Jergilikti tilshi birneshe kún buryn Quraıly aýylynda oryn alǵan jantúrshigerlik oqıǵaǵa qatysty jańa derekterdi tapty.

«Natalıa qıyn kúnderdi basynan ótkerip jatqan. Birneshe ýaqyt boıy turatyn jer tappaı, dostary men tanystarynyń úıin kezek-kezek panalap júrdi. Meniń de úıimde turdy. Jaǵdaı tipti qıyndap ketkennen soń Natasha ulyn kindik sheshesine qaldyryp, kishkentaı qyzyn balalar úıine alyp barǵan. Ol ýaqytta onyń ákesi týberkýlez aýrýyna shaldyǵyp, aýrýhanada jatqan bolatyn», - deıdi Krıstınanyń anasynyń qurbysy.

Bir jarym jyldaı sonda emdelip, keıinnen aýrýhanadan shyqqannan soń qyzyn balalar úıinen alyp ketpek bolǵan. Natalıa men Vladımırdi Sazdınsk aýdanyndaǵy polısııa bólimshesine alyp kelgen. Qurbysynyń aıtýynsha, Krıstına ákesimen birge turýy úshin anasyna baladan bas tartý jaıynda ótinish jazyp berýin usynǵan. Keıinnen Natalıanyń jaǵdaıy durysta bastaǵanda kishkentaı qyzdyń ógeı sheshesi men ákesi anasymen tipti telefon arqyly da baılanysqa shyǵarmaı, qyzyna kelip turýyna tyıym salǵan eken.

16 mamyr kúni qyzynyń aýyr soqqyǵa jyǵylǵanyn estigennen keıin Natalıa ony kórýge aýrýhanaǵa keledi.

«Meni sen be tastap ketken?» - degen Krıstınanyń suraǵyna anasy: «Men seni tastaǵan joqpyn, týǵan ákeńniń qolyna tapsyrdym» - dep jaýap bergen. Kishkentaı qyz týǵan anasyn múlde tanymaıdy. Belgili bolǵandaı, anasy men qyzy sońǵy ret Krıstına úsh jasynda bolǵanda júzdesken eken.

Aýdarǵan: Nazerke Labıhan