Jaldamaly kútýshi 2 jastaǵy balany uryp-soǵyp, qorlaǵan (VIDEO)

Nadejda Shapoval esimdi jaldamaly kútýshi qaraýyndaǵy balany uryp-soqqan dep habarlaıdy Qamshy aqparattyq agenttigi.

Ýkraınalyq Marıanna esimdi áıel Túrkııada kúıeýimen birge turady. Olardyń Iаman esimdi  2 jasar uldary bar. Kúıeýi basqa qalaǵa jumys babymen ketip qalǵan soń, áıelge bala qaraýǵa kómekshi qajet bolǵan.

Nadejda Shapoval Sýma qalasynan Ystambulǵa kóship kelgen. Týrıstik vızamen Ystambulǵa kelgen ol zańsyz túrde jumys taýyp beretin agenttikke ornalasqan. Osy arqyly Marıanna bul áıeldi jaldaıdy.

Nadejda bul otbasynda 4 aı istegen. Onyń qyzmetine: úı jınaý, tamaq ázirleý, bala qaraý kirgen. Sol úıde turǵan, tamaqtanǵan, aıyna 500$ eńbekaqy alǵan. Úı ıesi Marıanna aýrýhanaǵa jatýyna týra kelgen. Balany kútýshimen qaldyrmas buryn úıge kamera ornatqan. Mundaı áreketke barýǵa balasynyń sońǵy ýaqyttary denesinde kógergen daqtardyń paıda bolýy  men balasynyń kútýshimen ońashada qalǵysy kelmeıtindigi sebep bolǵan. Aýrýhanadan shyqqan Marıanna kameradan  kútýshisiniń balasyn uryp-soqqan kadrlaryna kýá bolǵan. Balanyń jylaǵanyna mán bermeı, ony julqylap, tynyshtandyrýdyń ornyna uryp-soqqan. Marıanna kúıeýimen úıine qaıta oralǵanda Nadejda qashyp úlgergen. Balanyń qazirgi jaǵdaıy nashar deıdi anasy. Birneshe kún boıy kishi dáretke otyra almaǵan bala ábden betine laqtyrylǵan pampersten keıin shoshyp qalǵan kórinedi. Qazigi ýaqytta bala dárigerge qaralyp jatyr. Al qashyp ketken bala kútýshisi Túrkııanyń Marmarıs qalasynda ustaldy.

Sholýshy: Nazerke MUSA