45 jastaǵy qyz: О́mirde eń qıyny ári qorqynyshtysy jalǵyz qalý eken...

Oń bosaǵada otyryp qalǵan qyzdar sońǵy jyldary qoǵam tarapynan ózderin túrtpekteý kóbeıip ketkenine yzaly. Sebebi, olar da eshqashan «Kári qyz» atanýdy qalamaǵan. О́mirdiń aǵysymen osyndaı jaǵdaıǵa túskenderdiń túrli sebebi bar, dep habarlaıdy Qamshy aqparattyq agenttigi Stan.kz basylymyna silteme jasap.

Arýjan jasy jıyrmaǵa jaqyndaǵan kezde turmysqa shyǵýǵa laıyqty jigitti kezdestirgen. Iаǵnı, óziniń kóńilinen shyǵatyn adamyn tapqan. Alaıda, ekeýiniń eki bólek ketýine týra kelipti. Boıjetkenniń sózinshe olardyń birge bolýyna eki túrli áleýmettik jaǵdaıdaǵy otbasylary kedergi bolǵan. Arýjannyń áńgimesinen ótkenine ókinishi bardaı kórindi.

«Eń bastysy, bul ómirde naǵyz mahabbatty kezdestirý dep jatady. Is júzinde olaı emes. О́mirimde naǵyz mahabbat boldy. Kóńil jarastyryp, biraz jyldardy birge ótkizdik. Bolashaq jarym ekenine kámil sendim. Ol da solaı oılady.

Alaıda, sheshýshi sátke kelgende, bári astan-kesten boldy. Meniń ata-anam onyń ata-anasymen tanysyp, qudalasý jaıly kelissóz júrgize bastaǵannan bári ózgerdi. Olarmen tanysqan soń, jigitime turmysqa shyǵýyma ata-anam úzildi-kesildi qarsy boldy. Jigitimdi jaqsy kórgendikten, onyń úı-jaıyn tekserý oıyma kelmepti. «Olardyń deńgeıi áldeqaıda tómen ekenin» aıtyp, jaqyndarym jan-jaqtan qaýmalady.

Bir-birimizge baýyr basyp qalsaq ta, eki jaqqa ketýge týra keldi. Ol jigit araǵa biraz ýaqyt salyp, úılenip aldy. Al men áleýeti ózime saı keletin jigitti áli kezdestirmedim. Kezdestirsem de, olardyń bolashaq jaryna degen talaptary tym joǵary.

Qazirginiń jigitteri ózderiniń áleýetin áıeliniń arqasynda túzetýdi maqsat etedi, dál men sekildi»,-deıdi jasy otyzdan asqan Arýjan.

Arýjan týǵan ápkesi ózinen 6 jas kishkentaı jigitke turmysqa shyqqaly jatqanyn aıtyp qaldy. Onyń sózinshe, jas jigittiń kózdegeni – ápkesiniń úsh páteri men eki kóligi.

« Otbasymyzda eki qyzbyz. Ata-anam jıen bolsa da nemere súıse eken deımin. Tipti jas jezdemizdiń aldaǵy ýaqytta ápkemdi jylatyp ketýi múmkin ekenin de sezem. Biraq, amalym joq. Ortalaryna túskim kelmeıdi. Ne bolsa da ápkemniń mańdaıyna jazylǵany bolar.

О́zim de sońǵy jyldary menimen tanysyp, sóıleskisi keletin jigitterdiń qatary sırep jatqanyn baıqaımyn. Ýaqyt ótken saıyn túrimnen jasymnyń úlken ekeni de kórinedi. Sondyqtan erterek ózimdi súıetin jandy kezdestirsem eken.

Al, jas qyzdarǵa aıtarym, ómir súrýge ıkemdi, pysyq, minezi jaıly, bastysy ózińizdi súıetin jigitti kezdestirgen sátte turmysqa shyǵýǵa asyǵyńyz»,-deıdi Arýjan.

Taǵy bir keıipkerimiz Áıgerim. Onyń jasy bıyl 30-ǵa tolady. Kórkine kóz toımaıdy – úrip aýyzǵa salǵandaı. Jańa gúl ashqan 18 jasar qyzdaı, qýyrshaq keıpinen taımaǵan. Bitimshil, úı sharýasyna kelgende, min taǵa almaısyń. Kez-kelgen er-azamattyń armanyndaǵy arý sekildi.

Ol – úıiniń jalǵyz qyzy. Ákesi araqqa salynyp ketken soń, birneshe jerde jumys istep, anasy men inisin ózi súırep júr. Qazaqstanda óz baqytyn kezdestire almaǵan ol bir jyl buryn shetelge kóship ketken.

«Jolymda qanshama jigitter kezdesti.Alaıda, jón surasa kele, joǵalyp ketedi, bolmasa oıy buzylady. Jasyrmaımyn, kóńil jarastyryp, jup bolyp júrgen bir emes, úsh jigitim bolǵan. Úsheýinde de endi serigimdi kezdestirdim dep oıladym. Alaıda, olar keıinnen úılený oıynan aınyp shyǵady.

Bar bolǵany, «bir-birimizge saı emespiz» deıtin. Sońynan qalmaı, sebebin suraı bergende ǵana shyndyqty jaıyp salatyn. «Ata-anam qarsy», «ıá, sezim boldy, biraq úılený úshin maǵan jaqsy jerden shyqqan qyz kerek» degen sózdi eki ret estidim»,-deıdi Áıgerim.

Áıgerim ózine anasymen inisine únemi qamqor bolýyna tyıym salmaıtyn otbasyny izdegenin de jasyrmaıdy.

«Anam zeınet jasyna jaqyndaǵan. Inim bolsa áli stýdent. Ákemniń olarǵa kómektesýge jaǵdaıy joq. Ol kisi múmkin bolsa zııanyn tıgizbeı, aýlaq júrse eken dep tileımin. Endi ol ekeýine men kómektespesem bolmaıdy. Sondyqtan bolashaq kúıeýime qoıatyn jalǵyz talabym osyndaı bolmaq»,-deıdi boıjetken.

Al taǵy bir keıipkerimizdiń jaǵdaıy otyrǵan qyzdan asyp, jalǵyzdyqqa jalǵasqan. Botakóz esimdi qyz qazir 45 jasta.

«Anam ómirden erte qaıtty. Izimnen ergen 7 baýyrym boldy. Ákem úılenip, ekinshi otbasynyń qamymen ketti. Eń kishkentaı inimniń ózi 1989 jylǵy. Onyń qazir úsh balasy bar. Barlyq inilerim men eki sińlim úıli-jaıly bolyp ketti. О́zim 30 jastan asqan kezde turmysqa shyqqym keldi»,-deıdi Botakóz.

30 jastan asqan áıel teńim dep ajyrasqan er azamatqa turmysqa shyqpaqshy da bolǵan.
«Aramyzǵa adamdar túsip bizdi tanystyrdy. Sodan ajyrasqan kisimen tanysyp, sóılesip kórdim. Sóziń yńǵaıyna qarap, onyń birinshi nekeden qalǵan balalaryn jetkizýdi qalamadym.

Sebebi, ózimdegi 7 baýyrymnyń tórteýi sol kezde boıdaq bolatyn. Keıinnen ózim de ol kisiniń baǵyn baılamaıyn degen sheshim qabyldap, jaǵdaıdy túsindirdim. Men baýyrlaryma áke ornyna- áke, ana ornyna-ana ekenimdi, jaýapkershilikti moınyma alǵanymdy ashyq aıttym.Sodan, tym qurysa úılenbeı júrip qalǵan er azamat kezdeser dep, turmysqa shyǵýdan bas tarttym»,-deıdi Botakóz.

Botakóz eń kishkentaı inisin úılendirgennen keıin qalaǵa jumys isteýge ketken.Sodan beri Shymkentte jumys istep, páter jaldap turyp jatyr eken.

«Men aýylǵa oralǵanmen ne isteımin dep oıladym. Baýyrlarymmen alystan, tátti qarym-qatynasta bolaıyn. Olardyń óz otbasylary bar. Múmkin áli de bolsa ózime kúıeý taýyp, balaly bolyp ketermin. Biraq, qartaıyp ta qaldyq.

Kári qyzǵa qaı bir jetisken er azamat usynys jasaıdy deısiz? Buıyrǵany bolar, úmitimdi úzbeımin. Keıde aýyryp qalsam qorqyp ketemin.

Osylaısha áıel baqytyn kórmeı ómirden ótip ketemin be dep alańdaımyn.Keıde bir baýyrymnyń qyzyn asyrap alaıyn ba degen oı bolady. Biraq, qalada ne úıim joq, odan qalsa bala ata-anasynyń qasynda bolǵany durys qoı »,-deıdi Botakóz.