O, toba! Qyrǵyzdar marıhýanany zańdastyrmaq!

Qyrǵyzstannyń  ulttyq bankiniń basshysy Tolkýnbek Abdygýlov marıhýanany zańdastyrý arqyly eldegi týrızm salasyn damytýǵa bolady dep usynys jasady dep habarlaıdy Qamshy aqparattyq agenttigi informburo.kz-ke silteme jasap.

Qyrǵyzstandyq bankır Túrkııa eliniń týrızmdik damýyn Qyrǵyzstanmen salystyrdy. Onyń aıtýynsha, qyrǵyzdar Ystyq kólge qaraǵanda Túrkııaǵa jıi barady eken.

«Stambýlǵa 6 kún qydyrýyń men ýaqytyly tamaqtanýdy qosqanda baryp-kelý bıletiń 300 dollar quraıdy. Sizder qaı elmen básekege túspeksizder?  Osy sekildi erekshelik bolý kerek. Elimizdiń týrısttik salasyn qalaı damytamyz? Men týrıstterdi qalaı tartý kerek ekenin bilemin. Marıhýanany zańdastyrý kerek. Basqa eshteńe isteýdiń qajeti joq. Qyrýar aqsha, kóptegen týrıstter keledi. Búkil TMD elderi osynda aǵylady. Qonaq úılerde oryn qalmaıdy. Mine osyndaı erekshelik kerek», - deıdi Abdygýlov.

Bul bankırdiń ázildegeni me, álde shyn sózi me ázirge belgisiz. 

Týrızm salasy Qazaqstanda da aqsap tur. Bizde ekologııany jaqsartý arqyly ekologııalyq týrızmdi damytyp jatyr.