12 mamyrda ata-analardyń jalpyulttyq jınalysy bolady

QR Bilim jáne ǵylym mınıstrligi alǵash ret ata-analardyń jalpyulttyq jınalysy kúnin jarııalady dep habarlaıdy Qamshy aqparattyq agenttigi QR BǴM Baspasóz qyzmetine silteme jasap.  Bul shara zamanaýı mektepterdiń jaı-kúıin tanyp-bilip, ondaǵy shákirtterdiń qalaı bilip alyp jatqandaryna beıjaı qaramaıtyn qazaqstandyq ár otbasyny aınalyp ótpeýi qajet-aq.

Ata-analardyń kóbisiniń mektep jınalystaryna qatyspaıtyny jasyryn emes. Bul, óz kezeginde, ata-analardyń balalarynyń bolashaǵyna nemquraıly qaraýyna ákep soqtyryp jatady. Sol sebepti de ata-analardyń jalpyulttyq jınalysy kúnine barynsha mán-maǵyna berip, bul kúni barlyq ata-ana jappaı mektepterge kelip, balalarynyń synyptaryn aralap, olardyń qalaı sabaq ótip jatqandaryn óz kózderimen kórip, synyp etekshilerimen, muǵalimderimen, mektep basshylyǵymen sóılesip, pikirlesýlerine jaǵdaı jasaýǵa tyrysyp otyrmyz.    

Búginde qazaqstandyq bilim júıesinde kóptegen ózgeris bar. Elimizdiń barlyq qalasy men aýyldarynda bir mezgilde ótkiziletin shara barysynda osy máseleler týraly sóz bolady. Osyǵan oraı balalardyń sapaly bilip alyp, olardyń básekege qabiletti, bolashaqtary jarqyn bolýlary úshin jańartylǵan mazmun engizilip, elimizdiń muǵalimderi pedagogtardyń biliktilikterin arttyrý baǵdarlamasy aıasynda jappaı oqytylyp jatyr.  

Byltyrdan bastap 1-synypta oqýshylardyń oqýdaǵy jetistikterin shekteýsiz baǵalaý júıesi engizildi. Aldaǵy 1 qyrkúıek – jańa oqý jylynan bastap jańartylǵan baǵdarlama boıynsha 1, 2, 5, 7-synyp shákirtteri oqıtyn bolady.

Bıyl balalar UBT-ny jańa format boıynsha tapsyrady. Sondaı-aq qala mektepteri men aýyl mektepteriniń bilim sapasynyń ajyraýyn boldyrmaý úshin QR BǴM aýqymdy jumystar júrgizip jatyr. «Barshaǵa tegin kásiptik bilim» baǵdarlamasy bastaý aldy.

  Ata-analar jınalysynda mektep ákimshiligi Qamqorshylar keńesiniń jumysyn, keńestiń quqyǵy men mindetterin, qaǵıdasy men qyzmet tetigin talqylamaq. Osy jáne basqa da mańyzdy suraqtarǵa jaýapty ata-analar jınalysynan bilýlerińizge bolady.    

Qurmetti ata-analar, bul kúni sizder óz erikterińizben mektep kitaphanalaryna kómek qolyn sozýlaryńyzǵa da bolady. Oqýǵa paıdaly degen kitaptaryńyzdy ózderińizben birge ákelip, mektep kitaphanalaryna ótkizseńizder, bul da bir jarqyn is bolary sózsiz. О́ıtkeni, bul jerde siz ben bizdiń balalarymyzdyń bilimi men bolashaǵy turǵanyn umytpaıyq.

Al bizdiń bolashaǵymyz – balalar!