• USD 468.56

  • EUR 497.56

  • RUB 7.3

  • CNY 67.18

24 Sáýir, 23:02:29
Almaty
+35°

28 Aqpan, 2024 Atyraý oblysy

AMО́Z basshylyǵyna qatysty tergeý júrip jatyr

"Atyraý munaı óńdeý zaýyty" JShS basshylyǵyna qatysty laýazymdyq ókilettikterin teris paıdalanǵany úshin sotqa deıingi tergep-tekserý bastaldy.

anpz.kz

QR Qarjy monıtorıngi agenttiginiń Atyraý oblysy departamentiniń málimetine sáıkes, óńirlik prokýratýranyń úılestirýimen AMО́Z basshylyǵynyń laýazymdyq ókilettikterin teris paıdalanýy kesirinen memleketke asa iri kólemde zalal keltirgeni anyqtaldy. 

Aıta ketsek, kúni keshe áleýmettik jelide Atyraý munaı óńdeý zaýytynda túsirilgen vıdeo tarady. Vıdeodan qandaı da bir qubyrdan suıyqtyq sý burqaq qusap atqylap jatqanyn kórýge bolady. Muny jelige júktegen jergilikti tilshi zaýytta benzın tógilip jatqanyn aıtady. Jeli qoldanýshylary aldynda qyzmetinen ketken basshysyna aıtqanyn istete almaǵan bas ınjenerdiń dabyl qaqqan aqaý osy bolar dep topshylady. 

Atalǵa vıdeodaǵy jaǵdaıǵa qatysty "Atyraý munaı óńdeý zaýyty" JShS túsinikteme berip, zaýyttaǵy apatty jaǵdaıdyń 26 aqpanda jergilikti ýaqyt boıynsha saǵat 18:30-da oryn alǵanyn naqtylady.

Baspasóz qyzmeti qansha benzın tógilgeni týraly aıtpady, tek qyzmettik tergeý júrip jatqanyn jetkizgen.   

Negizi, 2024 jyly 16 aqpanda "Atyraý munaı óńdeý zaýyty" JShS Bas dırektorynyń orynbasary – bas ınjener Ádilet Shoshanbasov Memleket basshysy Qasym-Jomart Toqaevqa júginip, úndeý jarııalady. Ol óz úndeýinde AMО́Z-diń bas dırektory Ǵalymjan Jýsanbaevty máseleni sheshkenniń ornyna orynsyz minez-qulyq tanytýǵa beıim dep aıyptady. Zaýyttyń bas dırektory Prezıdentke hat joldap, ózi qabyldaǵan jańashyldyqtarǵa qol astyndaǵylar daıyn emes ekenin, sol sebepti qysym kórip jatqanyn aıtyp aqtaldy. Qos basshynyń daý-damaıy ekeýiniń de qyzmetten bosatylýymen tynǵan edi. Bul týraly Qamshy.kz saıtyndaǵy "Prezıdent keńesshisi Atyraýǵa shuǵyl ushty. Munaıly óńirde ne bolyp jatyr" atty maqaladan keńirek bilip-tanysa alasyzdar.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir