"Máńgilik" Másimov. Jurt ne deıdi? (saýalnama)

Búgin aıdyń-kúnniń amanynda burynǵy  úkimet basshysy  Serik Ahmetov otstavkaǵa ketti. Elbasy onyń ótinishin  qabyldap, laýazymynan  bosatty.  Az ba, kóp pe, Serik Ahmetov 1 jyl 7 aı (ol 2012 jyly 24 qyrkúıekte Prmeer-mınıstrlikke taǵaıyndalǵan bolatyn) QR Úkimetin basqardy.  О́z kezeńine «Úndemeıtin úkimet»  degen ataq  alyp, esh jamanatyn shyǵarmaı bılikten ketti. Ile-shala QR Premer-mınıstri  laýazymyna Kárim  Másimovtyń kandıdatýrasy usynylyp, halyq qalaýlylary bir  aýyzdan qoldap, premerlik oryntaqtyń ıegerin tańdap tastady. Másimov  buǵan deıin 5 jyl boıy (2007 — 2012) el úkimetin  basqarǵan-tyn. Tájirıbesi mol demesek,  Kárimov kezeńinde  eleń etkizerlik eshteńe este qala  qoımapty.  Desek te, bıliktegi aýys-túıiske azamattyq belsendiler ár túrli pikirde. 

Ámirjan Qosanov, táýelsiz saıasatker :

Sheshim qabyldaıtyn Úkimet emes Prezıdent

 - Eýrazııalyq Odaq, Qazaq kóshi, ulttyq máseleler bizdiń elde Úkimettiń emes, Aqordanyń, naqtylap aıtsaq, prezıdenttiń quzyryndaǵy máseleler. Sondyqtan da, bir premer ketip, ekinshisi kelgen soń dál osy mańyzdy problemalarǵa degen memlekettiń kózqarasy ózgere salady degenge men senbeımin! Árıne, atqarýshy organ retinde Úkimet belgili bir bastamalar kóterip, ne bolmasa bir usynystarǵa qarsy pikirin bildirýi múmkin. Onda da ol oılaryn Úkimet barshaǵa jarııa etpeı, jumys jaǵdaıynda ǵana aıta alady. Biraq qaıtkenmen de sońǵy sheshimdi qabyldaıtyn Úkimet emes, prezıdenttiń ózi.

Dáýren Babamurat, saıasattanýshy: 

О́z basym árıne jańa adamnyń bolǵanyn qalar edim

-  Úkimet basy qaı zamandada tek qana taktıkalyq suraqtarǵa jaýap bergen. Táýelsiz Qazaqstanda, al negizgi strategııalyq dúnıelerdi Elbasy eshqashan óz ýysynan shyǵarǵan emes. Osy joly da solaı bolady dep senemin. Syrtqy saıasat tek qana Elbasynyń quzyrynda bar jáne bolady. Al Másimov myrzanyń kelýine baılanysty aıtarym, óz basym árıne jańa adamnyń bolǵanyn qalar edim. Másimovtyń ótken úkimet basshylyǵynda biz ap-az ýaqytta Kedendik Odaqtyń ortasynan shyǵa keldik, osy joly endi Eýrazııalyq odaqqa ońaı kiretin boldyq. Bul kisiniń atalmysh odaqtar aıasynda Reseımen jaqyndyqty qatty unatatyny syrt kózge aıtpasada belgili. Ar Reseı bolsa kúni keshe ǵana álemniń barlyq orystaryn qorǵaımyz dep málimdeme jasady. Sondyqtan ulttyq máseleniń máselesi túsinikti shyǵar.

Janbolat Mamaı, jýrnalıst- :

Halyq arasynda memleket basqarýǵa laıyq azamattar kóp!

-          Halyq arasynda memleket basqarýǵa laıyq azamattar kóp! Biraq Aqorda úshin sheneýnik qyzmetine taǵaıyndaýdyń bir ǵana krıterıııi bar: Elbasyǵa  jaqyndyq.  Buǵan moıynusynbaıtyn, kónbeıtin azamattar memlekettik bılikten alastatyldy. Deni durys, órkenıetti elde "bul basshynyń ornyna kim keledi?"degen suraq eldiń basynda da bolmaıdy. Tek qana totalıtarly, artta kalǵan, damymaǵan eldiń halqy ǵana Stalın men Kım Chen Ir ólgende ókirip turyp jylaıdy. Al,  endi elimizdi máńgilik prezıdenti men máńgilik kómekshisi- premeri bar eldiń qaısyna jatqyzamyz?

Muqan Kereı:

Másele kimniń premer-mınıstr bolýynda emes

- Másele kimniń premer-mınıstr bolýynda emes. Bizde prezıdenttik basqarý júıesi. Sondyqtan Kedendik odaq, Eýrazııalyq odaq máselesi eń aldymen Prezıdenttiń qalaı sheshim qabyldaýyna baılanysty. Al, odan keıin Reseıdiń pozısııasyna táýeldi. Másimov úkimet basshysy retinde tapsyrmadardy oryndap, Ekspoǵa daıyndyq, ındýstrııaldy-ınnovasııaladyń oryndalýy sekildi ekonomıkalyq máseleler jóninde kúsh salady. Al, qazaq tili, mádenıet, rýhanııat sol burynǵy deńgeıimen qala bermek Al, qazaq kóshi de Másimovke táýeldi emes. Qazaq kóshi Prezıdenttiń qalaı qadam jasaıtynyna, odan keıin qazaq qoǵamynyń talap qoıyp, shettegi qazaqtardy elge shaqyrtý úrdisin jalǵastyrtýyna baılanysty.

Qoǵam belsendileriniń pikiri osyndaı, Al, siz ne deısiz, qurmetti oqyrman?!