28 Aqpan, 2014 NEWS О́zgertý

Ýálıhanov atyndaǵy ınstıtýtty Mırzoıan atyna ózgertý kerek

Belgili ult janashyrlary Muhtar Taıjan, Aıdos Juqanuly, Qasym Amanjoluly Almaty qalasy, Tilderdi damytý, murǵattar jáne qujattama basqarmasyna Almaty...

1939620_595400633878518_196476294_n Belgili ult janashyrlary Muhtar Taıjan, Aıdos Juqanuly, Qasym Amanjoluly Almaty qalasy, Tilderdi damytý, murǵattar jáne qujattama basqarmasyna Almaty qalasyndaǵy Mırzoıan kóshesiniń atyn ózgertý týraly hat jazǵan eken. Oǵan basqarmadan qandaı jaýap kelgenin qarańyz:

«Levon Isaevıch Mırzoıan HH ǵasyrdyń 30 jyldarynda Qazaqstanda basshylyq qyzmette boldy. Sol jyldardaǵy onyń saıası qyzmeti ártúrli baǵalanýda. Bir jaǵynan L.I.Mırzoıan Qazaqstandaǵy asharshylyq zardaptaryn jeńýge úlken eńbek sińirgenin joqqa shyǵarýǵa bolmaıdy. Sonymen qatar, onyń 1937-1938 jyldardaǵy qýǵyn-súrginge keleńsiz róli jaıly muraǵat derekteri ashylýda. Sizderdiń joldaǵan qujattaryńyzdyń kóshirmesi sonyń bir aıǵaǵy. Degenmen sol qujattar qandaı jaǵdaıda jazylǵanyn áli eshkim bilmeıdi. Al, L.I.Mırzoıan atyndaǵy kósheni ózgertý máselesinde, birinshiden, asyqpaǵan jón. Ekinshiden, zańnamaǵa sáıkes ol boıynsha Onomastıkalyq komıssııa sheshim qabyldaýy kerek» dep Sh.Ýálıhanov atyndaǵy Tarıh jáne etnologııa ınstıtýtynyń ýájin alǵa tartypty. Ary qaraı "Qala turǵyndarynyń ýaqtyly áleýmettik kómek alýyna jáne jedel járdem shaqyrýyna jaǵdaı jasaý maqsatynda Almaty qalasynyń onomastıka komıssııasynyń otyrysynda birinshi kezekte ataýy joq jáne ataýy qaıtalanatyn kóshelerge atyn berý máselesi qaralady. Oblys aýmaǵynan eldi mekenderdiń qosylýyna baılanysty osyndaı kósheler kóbeıip keledi. Osyǵan oraı, joǵarydaǵy másele sheshimin tapqannan keıin tarıhı turǵyda eskirgen kóshelerdiń ataýyn ózgertý kezeń-kezeńimen júzege asyrylatyn bolady" dep danyshpandyq sheshim qabyldaǵan eken Basqarma basshylyǵy.

Al, munda atalǵan Mırzoıan kim edi? Ýalıhanov ınstıtýty ne aıtyp otyr? Zer salaıyq: Levon Isaevıch Mırzoıan, 1933-1938 jyldar aralyǵynda Qazaqstan Ortalyq Partııa Komıtetiniń birinshi hatshysy bolǵan. Ol saıası qýǵyndaýmen qatar, josparly júzege asyrylǵan atý-asý sharalaryn atqarǵan Mırzoıan edi. Qazaqstanda basshylyqta bolǵan jyldarynda 1760 qazaqty mert qylǵan. Iаǵnı 5 jyldan astam ýaqytta kún saıyn bir qazaqty qurbandyqqa shalyp otyrǵan deýge keledi.

Basqany qoıshy, dardaı aty bar Ýálıhanov atyndaǵy ınstıtýt ne aıtyp otyr? "L.I.Mırzoıan atyndaǵy kósheni ózgertý máselesinde, birinshiden, asyqpaǵan jón. Ekinshiden, zańnamaǵa sáıkes ol boıynsha Onomastıkalyq komıssııa sheshim qabyldaýy kerek" depti ǵalymdar. Endeshe, ózderi aıtqandaı "Qazaqstandaǵy asharshylyq zardaptaryn jeńýge úlken eńbek sińirgen" Mırzoıan myrzanyń atyn Almaty qalasynyń kóshesine emes ınstıtýttarynyń atyna qoıǵany jón. О́ıtkeni Ýálıhanov atyn kótere almaıtyny joǵarydaǵy emeýrinderinen-aq kórinip tur.

Bilal Quanysh

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir