13 Qarasha, 2024 NEWS
Qyrǵyzstanda bılikti basyp alýǵa daıyndalǵan 7 kúdikti qamaýǵa alyndy
Qyrǵyzstanda bılikti basyp alý maqsatynda jappaı tártipsizdik uıymdastyrmaq bolǵan 7 adam qamaýǵa alyndy.
Ashyq derekkózden
Qyrǵyzstan Ishki ister mınıstrligi bılikti kúshpen basyp alý úshin jappaı tártipsizdikter uıymdastyrmaq bolǵan kúdiktilerdiń ustalǵanyn habarlady.
Málimetterge qaraǵanda, bul uıymdasqan top jappaı tártipsizdikter uıymdastyryp, bılikti kúshpen basyp alý maqsatynda qurylǵan.
– Bishkek tóńireginde sporttyq oıyndar men basqa da jarystar ótkizý josparlanǵan bolatyn. Ulttyq sport oıyndaryn ótkizemiz degen syltaýmen olar 2024 jylǵy 17 qarashada ótetin jergilikti keńes saılaýy kúni kúsh kórsetýge úndep, konstıtýsııaǵa qaıshy shaqyrýlardy nasıhattap, keıinnen bılikti kúshpen basyp alý arqyly jaǵdaıdy turaqsyzdandyrýdy kózdegen, – delingen Ishki ister mınıstrligi málimdemesinde.
Osy jaǵdaıǵa baılanysty jınalǵan materıaldar negizinde Qyrǵyzstan Respýblıkasy Ishki ister mınıstrligi Qyrǵyzstan Qylmystyq kodeksiniń 36-278-baby, 1-bóligi boıynsha jappaı tártipsizdikter uıymdastyrýǵa daıyndalý faktisi boıynsha qylmystyq is qozǵalǵan.
Tergeý barysynda bul toptyń 7 múshesi tutqyndaldy. Olardyń arasynda Qyrǵyzstanda týǵandarmen qatar sheteldikter de bar.
Tergeý barysynda atalǵan topqa tıesili qoımadan 1000 bótelke araq, 2000 bótelke mıneraldy sý, 1 tonna kúrish, 1 soıýǵa arnalǵan jylqy, jappaı tártipsizdikke qatysýshylarǵa as daıyndaıtyn ónimder tárkilengen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir