Kórneki sýret
Májilis depýtaty Konstantın Avershın qorǵanys mınıstriniń orynbasary Shaıh-Hasan Jazyqbaevqa oqýǵa shaqyrýdan birneshe ret keıinge qaldyrýdy shekteý kerek ekenin aıtyp, azamattardyń áskerı daıarlyǵyn qamtamasyz etý jóninde saýal joldady.
Depýtattyń sózinshe, qazir kóptegen azamat áskerge barýdan jaltaryp, 27 jasqa deıin birneshe oqýdyń dıplomyn alyp alady.
- Qazir zańǵa sáıkes bilimin jalǵastyrý maqsatynda áskerge shaqyrýdy keıinge qaldyrý qarastyrylǵan. Alaıda kóptegen azamat shaqyrý jasyndaǵy kezeńde bir oqý ornyn bitirip, ekinshisine túsip jatyr. Osylaısha 27 jasqa deıin bilim alýdy jalǵastyrady. Olar avtomatty túrde zapastaǵy áskerıler tizimine qosylady. Alaıda olarda bazalyq áskerı daıyndyq joq jáne qajet bolǵan jaǵdaıda tek ózderiniń áskerı mindetterin oryndap qana qoımaı, ózderin qorǵaý da múmkin bolmaıdy. Osy rette áskerge shaqyrýǵa keıingi merzimderdi berý tártibin retteý máselesi qarastyrylyp jatyr ma?, – dep suraq qoıdy Konstantın Avershın.
Buǵan Shaıh-Hasan Jazyqbaev áskerge keıin qaıtarylý zań jobasy negizinde keshendi túrde qarastyrylǵanyn aıtty.
- Bolashaqta bul zań jobasy qabyldanǵannan keıin ár deńgeıge bir ǵana oqý ornynda bilim alýǵa ruqsat beriledi. Máselen, bir magıstratýrany bitirip, ekinshi magıstratýra tússe, ol kezde oǵan keıinge qaldyrylýǵa ruqsat berilmeıdi, – dep jaýap berdi qorǵanys mınıstriniń orynbasary Shaıh-Hasan Jazyqbaev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir