20 Qyrkúıek, 2024 NEWS
Kórneki sýret
Abaı oblysy Aıagóz aýdanyndaǵy №10810 áskerı bólimin qyzmetke jýyrda ǵana kirisken áskerı qyzmetker ózine qol saldy.
Aqparat resmı túrde rastaldy.
“19 qyrkúıekte jumystan tys ýaqytta Aıagóz garnızonyndaǵy áskerı bólimderdiń birinde qyzmet etetin ofıserdiń denesi úıinen tabyldy. Aldyn ala aqparat boıynsha ofıser ózine-ózi qol jumsaǵan. Oqıǵanyń jaı-japsary anyqtalýda. Atalǵan fakt boıynsha qylmystyq is qozǵaldy. Qurlyq áskerleriniń qolbasshylyǵy áskerı qyzmetshiniń týǵan-týystaryna kóńil aıtady” delingen Aıagóz garnızony habarlamasynda.
Aldyn ala málimet boıynsha áskerı qyzmetker asylyp qalǵan. Marqum bıyl ǵana oqý ornyn bitirip, atalǵan bólimge qyrkúıekte ǵana qyzmetke turǵan kórinedi.
Qazaqstan áskerinde sońǵy úsh jylda 270 áskerı qyzmetker qaza tapqan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir