28 Aqpan, 2024 Aqmola oblysy
Zańsyz aǵza saýdasy: Qazaqstanda búıregin satatyndar kóbeıgen
Aqtóbe qalasynyń 25 jastaǵy turǵyny óz búıregin satpaqshy bolyp, áleýmettik jelide habarlandyrý jarııalaǵan. Ol óz organyn shartty satyp alýshymen mámile jasasý kezinde ustaldy.
Ashyq derekkózden alyndy
"Qylmystyq is sottalýshynyń kinásin moıyndaý týraly mámile nysanynda jasalǵan is júrgizý kelisimimen sotqa kelip tústi. Jaza taǵaıyndaý kezinde sot onyń shyn júrekten ókinish bildirgenin, sondaı-aq aýyrlatatyn mán-jaılardyń joqtyǵyn eskerdi", dep habarlady Kókshetaý qalalyq sotynyń baspasóz qyzmeti.
Sot úkimimen er adamǵa shartty túrde bir jyl alty aı bas bostandyǵynan aıyrý jazasy taǵaıyndaldy. Oǵan probasııalyq baqylaý ornatyldy.
Sot aktisi áli zańdy kúshine engen joq.
Aıta ketsek, 31 qańtarda Aqmola oblysynyń turǵyny búıregin 8 mln teńgege satýǵa tyrysyp, aqsha alyp jatqan kezinde ustalǵan bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir