• USD 468.56

  • EUR 497.56

  • RUB 7.3

  • CNY 67.18

24 Sáýir, 22:37:59
Almaty
+35°

20 Aqpan, 2024 Mańǵystaý oblysy

Jemqorlar Kaspıı jaǵalaýyndaǵy 3,5 myń gektar jerdi de satyp jibergen

Kenderli qumqaıyry dep atalatyn bul ýchaske shyǵanaqtyń ońtústik-shyǵystan soltústik-batysqa qaraı 23 shaqyrymǵa sozylatyn oblystyń basty kórikti jerleriniń biri bolyp tabylady. Sol kezde 3 mlrd teńgege satylǵan jer teliminiń qazirgi quny 30 mlrd teńgeni quraıdy.

Ashyq derekkózden alyndy

Mańǵystaý oblysynyń prokýratýrasy Kaspıı teńiziniń jaǵalaýy boıyndaǵy 3,4 myń gektar jer ýchaskesin jeke tulǵaǵa zańsyz berý faktisin anyqtady.

Bastapqyda, 2007 jyly jer ýchaskesi «Mańǵystaýmunaıgaz» AQ-ǵa saýyqtyrý keshenin salý úshin 3,1 mlrd teńgege satylyp, keıinnen «Gelıos» JShS-ǵa 3,3 mlrd teńgege qaıta satylǵany anyqtaldy.

Taldaý barysynda atalǵan jer ýchaskesi JAO-men QR Jer kodeksiniń talaptaryn buza otyryp, zańsyz berilgeni belgili boldy.

Atap aıtqanda, jer komıssııasynyń otyrysy ótkizilmegeni, sondaı-aq jer ýchaskesine jerge ornalastyrý jobasy bekitilmegeni anyqtaldy.

Osylaısha, jer ýchaskesin berýdiń jalpy tártibi buzyldy (Jer Kodeksiniń 43-baby).

"Oblys prokýratýrasynyń qadaǵalaý aktisiniń negizinde ýákiletti organ satyp alý-satý sharttaryn jaramsyz dep taný týraly sotqa talap-aryz engizdi. Ekonomıkalyq sottyń sheshimimen talap qoıýshynyń talaptary tolyq kólemde qanaǵattandyryldy (zańdy kúshine engen joq). Búgingi kúnde jer ýchaskesiniń kadastrlyq quny 30 mldr teńgeden asady", delingen Mańǵystaý oblysy prokýratýrasynyń habarlamasynda.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir