13 Aqpan, 2024 Áleýmet
"Aınala jap-jaltyr". Jumysqa jete almaı, búgin oraldyqtar ashýly
Búgin Oral qalasynyń kósheleri muz aıdyn sekildi jap-jaltyr bolyp jatyr. Tańerteń muny kórgen qala ishine qatynaıtyn avtobýs júrgizýshileriniń ózi selk etip, júreksinip qalǵan. Eshqaısysy qaýipke bas tikkisi kelmedi. Saldarynan kóptegen adam dittegen jerine jete almaı, bir úmitpen aıaldamalardy torýyldaýda. Esesine taksı baǵasy sharyqtap shyǵa kelgen.
Ashyq derekkózden alyndy
«40 mınýt boldy aıaldamada turǵanyma. Avtobýs joq. Nege bizdegi kommýnaldyq qyzmet osyndaı aýa raıyna daıyn bolmaıdy? Masqara ǵoı, mynaý!», deıdi aıaldamadaǵylardyń biri.
"Biz bazaǵa jınaldyq, biraq avtobýs róline otyrýdan bas tarttyq. Barlyǵymyz bir-birimizben baılanystamyz, sóılesip otyrmyz. Aldymen jergilikti kommýnaldyq qyzmet bizdiń jáne jolaýshylardyń qaýipsizdigin qamtamasyz etsin, joldarǵa qum sepsin, sodan keıin jolǵa shyǵamyz. Al qazir táýekelge barmaımyz. Sondaı sheshim qabyldadyq", degen avtobýs júrgizýshileriniń biri jergilikti «Moı gorod» basylymyna bergen suqbatynda.
Sondaı-aq I aýysymda oqıtyn oqýshylar qashyqtan oqý formatyna kóshken. Oral qalalyq bilim bólimi muny aýa raıynyń qolaısyzdyǵymen túsindiredi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir