06 Aqpan, 2024 Saıasat
Ormandy óz bıznesine aınaldyryp jibergen rezervat basshysy ustaldy
"Ertis ormany" tabıǵı rezervatynyń basshysy Arman Bektemirovpen qatar, onyń qol astyndaǵy bes býhgalterine qatysty da sotqa deıingi tergeý júrgizilýde.
Antıkordyń baspasóz qyzmeti
Pavlodar oblysy boıynsha Sybaılas jemqorlyqqa qarsy qyzmet prokýratýranyń úılestirýimen orman sharýashylyǵyn qorǵaý salasyndaǵy júıeli jemqorlyqty anyqtaý sheńberinde "Ertis Ormany" Memlekettik orman tabıǵı rezervatynyń basshysy tarapynan para alý faktilerin anyqtady.
Onyń kásipkerlerge iskerlik ormandy zańsyz kesý jáne satýda para alýdyń qylmystyq shemasyn uıymdastyrǵany anyqtaldy.
"2024 jyly 26 qańtarda tergeý sotynyń sanksııasymen atalǵan rezervat basshysy eki aı merzimge qamaýǵa alyndy. Sonymen qatar, rezervattyń bes býhgalterine qatysty sotqa deıingi tergeý júrgizilýde, olar 2021-2023 jyldar aralyǵynda ózderiniń kartochkalyq shottaryna, sondaı-aq mekemeniń jumys istep turǵan jáne burynǵy qyzmetkerleriniń shottaryna jalaqyny esepteý jáne aýdarý arqyly 25 mln teńge somasynda asa iri mólsherde bıýdjet qarajatyn jymqyrǵan", delingen Antıkordyń baspasóz qyzmeti taratqan habarlamada.
Keltirilgen materıaldyq zalal ishinara óteldi.
Tergeý jalǵasýda.
Qylmystyq-prosestik kodeksiniń 201-babyna sáıkes ózge aqparat jarııa etýge jatpaıdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir