• USD 468.56

  • EUR 497.56

  • RUB 7.3

  • CNY 67.18

25 Shilde, 14:21:35
Almaty
+35°

Búgin Májilistiń jalpy otyrysynda depýtattar turǵyn úı saıasatyn reformalaý máseleleri týraly zań jobasyn birinshi oqylymda maquldady. Bul taqyryp boıynsha Májilis depýtaty Ulyqbek Tumashınov baıandama jasady.

Zań jobasy Memleket basshysynyń azamattar úshin turǵyn úıge qoljetimdilikti qamtamasyz etý týraly tapsyrmasyna sáıkes ázirlendi. Depýtattyń aıtýynsha, zań jobasynda halyqtyń áleýmettik osal toptaryna jáne áskerı qyzmetkerlerge de erekshe nazar aýdarylǵan.

– Zań jobasynda ákimdikterdiń jańa fýnksııasy engizilgenin atap ótken jón. Ol bir jyl ishinde áskerı qyzmetti atqarý, quqyqtyq tártipti qorǵaý kezinde, sondaı-aq adam ómirin qutqarý kezinde qaza tapqan adamdardyń otbasyn turǵyn úımen qamtamasyz etýge qatysty, – dedi depýtat.

Jumys barysynda depýtattar memlekettik turǵyn úı qorynan turǵyn úı alýǵa quqyǵy bar adamdar sanattarynyń tizbesin keńeıtti. Bul – múmkindigi sheýteýli balasy bar otbasylar jáne 1 jáne 2-toptaǵy múgedektigi bar adamdar.

Taǵy bir mańyzdy jańalyq – halyqtyń áleýmettik osal toptaryna satyp alý quqyǵynsyz jalǵa beriletin turǵyn úıdi jekeshelendirýge múmkindik berý bolyp otyr. Budan bólek, apatty jaǵdaıdaǵy turǵyn úıdiń ornyna berilgen baspanany jekeshelendirý quqyǵy týraly norma engizildi.

Sonymen qatar Ulyqbek Tumashınov zań joba aıasynda Otbasy banki ulttyq ınstıtýty retinde azamattardy esepke qoıý men turǵyn úılerdi bólý jónindegi fýnksııalary engizilgenin atap ótti.

  • Búgingi tańda búkil elimizde baspanaǵa muqtaj 647 myńǵa jýyq adam turǵyn úı kezeginde tur. Zań jobasynda turǵyn úıdi ortalyqtandyrylǵan esepke alýdy jáne bólýdi júzege asyratyn tolyqqandy «Otbasy Bank» damý ınstıtýtyn qurý usynylady. Bul ókilettikter «Otbasy bankke» jergilikti atqarýshy organdardan beriledi, – dedi depýtat.

Depýtattar zań jobasymen jumysty ekinshi oqylymǵa deıin jalǵastyratyn bolady.

 

"Qamshy" silteıdi
Ilmek sózder: Májilis depýtat

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir