• USD 468.56

  • EUR 497.56

  • RUB 7.3

  • CNY 67.18

22 Sáýir, 13:51:18
+35°

Aǵymdaǵy jylǵy 23-qazanda «Atameken» óńirlik kásipkerler palatasynyń alańynda aýyl sharýashylyǵy salasyndaǵy kásipkerlerdiń problemalyq suraqtary talqylandy.

Atalǵan is-sharaǵa Sybaılas jemqorlyqqa qarsy qyzmettiń Qyzylorda oblysy boıynsha departament basshysynyń birinshi orynbasary A.A.Ashıkov, óńirlik kásipkerler palatasynyń dırektory P.A.Syzdyq, Qyzylorda oblysynyń aýyl sharýashylyǵy men jer qatynastary basqarmasynyń laýazymdyq tulǵalary men birqatar kásipkerler qatysty.

Otyrysta«Aýyl sharýashylyǵy óndiristik keshenin sýbsıdııalaýdyń biryńǵaı memlekettik júıesin» qoldaný barysynda sýbsıdııalar alýǵa ótinimder berý kezindegi naqty problemalyq suraqtar kóterilip, olardy sheshý maqsatynda tıisti usynymdar ázirlendi.

Máselen, óńirimizde kúrish ósirýmen jáne elıtalyq tuqym sharýashylyǵyn óndirýmen aınalysatyn «Maǵjan jáne K» JShS ókili ınvestısııalyq sýbsıdııa alý barysyndaǵy táýekelderdi atap ótti.

Atap aıtqanda, ınvestısııalyq nemese paıyzdyq ústememen beriletin sýbsıdııalaý qaǵıdalarynda aýyl sharýashylyǵy maqsatynda qoldanatyn qurylǵylardyń tizbesi shekteýli ekendigin jáne bul jaıt kásipkerlerdiń qyzmet kórsetý múmkindikterin shekteıtinin kórsetti.

Budan bólek, sharýa qojalyqtary sýbsıdııalaý qarajaty bolmaǵan jaǵdaıda, sýbsıdııa kólemin óz qarajaty esebinen tóleý jaǵdaılaryna toqtala ótip, bul talaptardyń qıyndyqtar týǵyzatynyn nazarǵa jetkizdi.

«Sharýalar qarajat jetispeýshiligi nemese sýbsıdııalaýdyń aqparattyq júıesiniń tehnıkalyq aqaýlaryna baılanysty sýbsıdııa berý talaptaryna sáıkes qaryzdardy tolyq óteý úshin satyp alǵan maldaryn qaıtadan satýǵa májbúr»,- dep «Syrdarııa-1» NS ókili A. Abdýllaev sóz qozǵady.

Kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl jónindegi keńes bıznes ókilderimen keri baılanys pen dıalog ornatýdyń pármendi tetigi bolyp tabylady.

Talqylaý nátıjeleri boıynsha kásipkerlerdiń usynymdary eskerilip, ortalyq ýákiletti memlekettik organdarǵa tıisti hat joldaý týraly sheshim qabyldandy.

"Qamshy" silteıdi
Ilmek sózder: agroónerkásip

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir