• USD 468.56

  • EUR 497.56

  • RUB 7.3

  • CNY 67.18

22 Sáýir, 12:43:50
+35°

Úkimette óńirlerde jem-shóp daıyndaý jumystarynyń barysy tyńdaldy. Elimizde bıyl 11 óńirde taýarly sút fermalaryn salý boıynsha aýqymdy joba bastaldy. Osyǵan oraı azyq-túlikpen qamtamasyz etý strategııalyq mańyzǵa ıe bolady.

Resmı málimet boıynsha, búgingi tańda byltyrǵy qaldyqtardy qosa alǵanda, elde mal azyǵynyń barlyq túri boıynsha 37,2 mln tonna jem-shóp daıyndalǵan. Mal azyǵyn daıyndaýdyń tómen kórsetkishi Pavlodar (75,3%), Mańǵystaý (81,0%) jáne Batys Qazaqstan (85,6%) oblystarynda – respýblıkalyq deńgeıden tómen. Ákimdik ókilderi jem-shóp daıyndaý áli de jalǵasýda jáne josparly kórsetkishterge qol jetkiziletin jumystary áli de jalǵasyp jatqanyn jáne aldaǵy ýaqytta josparly kórsetkishterge qol jetkiziletinin aıtty.

Jem-shóp óndirisin damytý jónindegi 2023-2025 jyldarǵa arnalǵan ózektendirilgen jol kartasyna sáıkes mynadaı kórsetkishterge qol jetkizý kózdelgen:

  • jem-shóp daqyldarynyń egis alqaptaryn 3,3 mln ga deıin keńeıtý (2023 jyly 3,1 mln ga egildi);
  • jem-shóp daqyldarynyń jalpy túsimin 5,1 mln tonnaǵa deıin arttyrý;
  • qurama jem óndirisiniń kólemin zattaı 1,9 mln tonnaǵa deıin, aqshalaı kólemde - 140 mlrd teńgege deıin ulǵaıtý.

Elimizde jumys istep turǵan 66 qurama azyq óndiretin kásiporyndardyń jalpy qýattylyǵy jylyna 2,2 mln tonna ónimdi quraıdy. Bul alańdarda aýyl sharýashylyǵy janýarlary men qustardyń barlyq túrleri úshin tolyq teńdestirilgen qurama azyq óndiriledi. Bul rette kásiporyndardyń júktemesi nebári 41,6%-dy quraıdy.

«Búgingi tańda biz «eski tásilmen» jem-shóp daıyndaý tásilinen jańa tehnologııalardy engizýge sapaly kóshýdi qolǵa alyp jatyrmyz. Mundaı tájirıbe basqa elderde tabysty jumys istep keledi. Tipti óńirlerde daıyndalǵan jem-shóp kólemin durys bólý arqyly aldaǵy jylǵa jetkizýge bolar edi», — dedi S.Jumanǵarın.

Úkimette óńirlerdegi jańa jobalardyń iske asyrylý barysy da talqylandy. Osylaısha, Soltústik Qazaqstan oblysynda Dairy Global Experts LLC-men (halyqaralyq konsaltıngtik kompanııa) birlese otyryp quzyret ortalyǵy ashylady. Sútti mal sharýashylyǵyna jem-shóp jáne veterınarııalyq keńes berý baǵdarlamasy ázirlendi. Al Aqmola oblysynyń Zerendi aýdanynda mamandardyń biliktiligin arttyrý baǵdarlamasy iske qosylady.

Aýyl sharýashylyǵy mınıstrligi zamanaýı ǵylymnyń kómegimen mal baǵý men jem-shóp bazasyn paıdalaný tıimdiligin arttyrý jáne et óndirisin arzandatý úshin qazirgi zamanǵy ádisnamany qoldana otyryp, kem degende 20 myń basqa arnalǵan bordaqylaý alańdaryn salý boıynsha mal sharýashylyǵy salasyndaǵy iri jobalar pýlyn qalyptastyrady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir