Juldyzaı Temirbekqyzy: Kishkentaıymnan forma kııýdi armandadym

Búgin elimizde Qutqarýshylar kúni atalyp ótýde. Kásibı merekeniń bekitilýi elimizde Tótenshe jaǵdaılar jónindegi ortalyq memlekettik komıtettiń qurylýymen baılanysty. Osyǵan oraı Qamshy.kz aqparat agenttiginiń tilshisi órt sóndirý salasynda redıotelefonıst laýazymynda 8 jyl boıy qyzmet etip kele jatqan Juldyzaı Temirbekqyzymen suhbattasty. 

Juldyzaı Temirbekqyzy 1994 jyly Qyzylorda oblysy Shıeli aýdany Jólek aýylynda dúnıege kelgen. Kishkentaıynan forma kııýdi armandaǵan ol qazir órt sóndirý salasynyń bilikti mamany. Ol mektep jasynan sportqa jaqyn. Sol sebepti bul mamandyqqa túsý oǵan asa qıyn bolmady. 

"Kishkentaı kezimde úıimizge qarama-qarsy ornalasqan kórshi úıdiń qorasy órtendi. О́rtengen aýmaqtyń kólemi úlken edi. Kórshilerdiń bári qolyna shelek ustap, órtti sóndirýge kiristi. Kishkentaı bolsam da qolyma esik aldyna sý shashatyn shlankany ustap alyp kómektesýge tyrysqanym áli kúnge deıin esimde. Janyp jatqan qoraǵa jetpese de, shlankanyń aýzyn basyp, sý shashyp júrgenmin. Sol kezde kórshi aǵaıdyń biri kúlip, "óskende órt sóndirýshi bolatyn shyǵarsyń", dep aıtqan edi. Qazir bala kezimdegi armanym shyndyqqa aınaldy", deıdi Juldyzaı Temirbekqyzy. 

Juldyzaıdyń aıtýynsha, bul mamandyq názik jandylar úshin qaýipti emes. "Erejege saı jumys isteseń halyqtan alǵys alyp júresiń", deıdi ol. 

Alǵashynda bul mamandyqty tańdaýyna otbasy qarsy bolǵan, alańdaǵan. 

"Ákem qarsy boldy. Otbasymda erteń turmys qurǵan kezde qıyn bolmaı ma, seni qoldaı ma degen qorqynysh boldy. Biraq men óz tańdaýymdy jasadym. Úıdegiler muǵalim nemese medbıke bol dep oqýǵa túsirgisi keldi. Alaıda men bul salalarǵa qyzyqpadym. 9-shy synyptan keıin Tótenshe jaǵdaıda qorǵaný mamandyǵyna túsip, oqýdy aıaqtadym. Keıin mamandyq boıynsha jumysqa turdym.", deıdi ol. 

Barlyǵy bala kezgi armannyń sońynan erýden bastaldy. Alǵashynda bul salada jumys isteý psıhologııalyq turǵydan qıyn bolǵan. Al qazir Juldyzaı barlyq jaǵdaıdy salqynqandy qabyldaýǵa tyrysady. 

"Kezekshilikte turǵan kezim. 101 jelisine qońyraý tústi. 5 jasar bala qubyrǵa túsip ketken eken. Qutqarýshylar birden jolǵa shyqty. Alaıda balany qutqara almadyq. Qubyrdan balanyń máıiti tabyldy. Sol oqıǵa ózime aýyr tıdi. "Balasyna durystap qaramaı ma?" dep ata-anaǵa da ishteı kiná arttym. Jańaǵy bala oıymnan ketpeı qoıdy. Biraq alda ne bolaryn eshkim bilmeıdi. Sol balanyń ata-ananyń jaǵdaıy da alańdatty. Qaı ata-ana óz balasyn jamandyqqa qııady?! Keıin kez kelgen jaǵdaıǵa sýyqqandy ári eki tarapty qaraý keregin túsindim. Jumysymyzdyń aýyr tusy da osyndaı psıhologııalyq qıyndyqtar dep oılaımyn", deıdi Juldyzaı. 

Dese de ol bul mamandyqty tańdaǵanyna esh ókinbeıdi. Kerisinshe, osy kúnge deıin jetken jetistigimen maqtanady:

"О́zim jumys isteıtin órt sóndirý salasynyń ımıdjin kótergim keledi. Osyǵan baılanysty áleýmettik jelide blog júrgizip bastadym. Bul bastamamdy ári qaraı damytqym keledi. Qazirgi kezde qyz balalarǵa shekteý kóp. "Sen qyz balasyn, órt sóndirý salasynda jumys isteı almaısyń" nemese "bul salada erkekter kóp, olardyń oılary jaman bolady" degen sekildi ártúrli mıfter aıtalady. Árkimniń oıy ártúrli, árıne. Alaıda qyzdardyń armanyn shektemeý kerek. О́rt sóndirý salasyndaǵy barlyq áriptesterimmen jaqsy aralasamyn. Mundaǵy er azamattar únemi qoldaý bildirip, kómektesedi. Maǵan áleýmettik jelide kóp qyzdar jazyp, aqyl-keńes suraıdy. Paraqshamdy sol qyzdarǵa kómektesý úshin ashtym desem de bolady". 

Juldyzaı Temirbekqyzy bul salada jumys istegisi keletin adamnyń boıynda batyldyq, meıirim bolýy kerek dep oılaıdy. Sondaı-aq be órt sóndirý salasynda qyzmet etý úshin belgili sharttar men shekteýler bar.

"35 jasqa deıingi azamattardy jumysqa alady. Sondaı-aq sporttyq saıystar bolady. Attestasııa tapsyratyn bolǵan soń osyǵan daıyn bolý kerek. Negizi qyz balanyń qolynan barlyǵy keledi. Bir qolymen álemdi, bir qolymen besikti terbetedi dep beker aıtpaǵan. Sol sebepti qyzdarǵa aıtarym: Arman-maqsattaryńyzdan bas tartpańyzdar! Eshkim bilip týǵan joq. Sol sebepti qulshynys bolǵan adam kez kelgen nárseni ońaı úırenedi", deıdi ol.