11 Qazan, 2023 Ekonomıka
Jańa Qazaqstan: kedeı otbasylar kedeılene tústi
Sońǵy ret qashan toıyp tamaq jegenin umytty.
![](/media/2023/10/11/crop-167_2_717x956_en2kuebn.webp?width=600&height=480)
np.kz
Elimizde kedeı otbasylardyń sany 177,8 myńnan asyp ketti.
Byltyrdan beri Qazaqstanda jegisi keletin paıdaly tamaǵyn satyp ala almaıtyn kedeıler kóbeıdi.
Halyqtyń turmysy tómender sanatynda toıyp tamaqtanbaý birden birneshe paıyzdyq tarmaqqa – 6,7%-dan 8,4%-ǵa deıin ósti.
Halyqtyń eń osal bóligi etti 5,5%, sút ónimderin 8,2%, sary maıdy 6,8%, táttini 9,2% az jeı bastady. Tutynýdyń ósýi tek balyq pen kartopta baıqaldy.
Resmı túrde Qazaqstanda kedeılik deńgeıi 2022 jyly 5,2%-ǵa jetse, bıyl ekinshi toqsanda 5,1%-ǵa deıin tómendedi. Absolıýtti kórsetkishterdi qarastyratyn bolsaq, 2018 jyldan bastap kúnkóris deńgeıinen tómen tabyspen ómir súretin úı sharýashylyqtarynyń sany azaıǵan joq, kerisinshe ósti: 2023 jyldyń ekinshi toqsanynda 135,2 myńnan 177,8 myń otbasyǵa deıin (31,5% kóbeıgen).
Aılyq kúnkóris deńgeıi qazir 40,6 myń teńge. Kúnkóris deńgeıi kórsetkishi jyl saıyn ósetindikten, eń tómengi azyq-túlik jıyntyǵynyń quny da ózgeredi. Mysaly, 2023 jyly azyq-túlik sebetiniń quny 22,3 myń teńgeni qurady.
Statıstıka mamandarynyń málimetinshe, bıyl sáýir-maýsymda Qazaqstanda 9,4 myń otbasy osyndaı az ǵana somaǵa ómir súrgen.
Byltyr mundaı óte kedeı shańyraqtar úsh esege derlik az boldy: 3,3 myń otbasy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir