Túrkistan balalaryna baqsha bar, aqsha joq

Qamshy-nyń hat qorjynyna Túrkistan qalasyndaǵy balabaqshalardyń quryltaıshylary atynan «Ashynǵannan jazylǵan ashyq hat» degen taqyryppen ashy janaıqaı jetti.

Túrkistan balalaryna baqsha bar, aqsha joq pa?

Ol hatta bylaı delingen:

Oqý-aǵartý mınıstriniń 2022 jylǵy 27 tamyzdaǵy №381 buıryǵyna sáıkes, bıyl maýsym aıynda Túrkistan oblysy boıynsha jekemenshik balabaqshalarda tárbıe men oqytýǵa memlekettik bilim berý tapsyrysyn ornalastyrýǵa (2-6 jas, 8532 jańa orynǵa) konkýrs jarııalandy.

https://www.gov.kz/memleket/entities/turkestan-adami-aleuetti-damytu/press/news/details/565572?lang=kk

Mine, myna konkýrs ótkizý týraly habarlandyrý mınıstrliktiń resmı saıtyna ilindi. Bul ózi túrli jaǵdaılarǵa baılanysty 3 jyldan beri alǵash ret uıymdastyrylyp otyrǵan konkýrs edi. О́z qyzmetin bastap jibergen kásipker úshin úlken qoldaý. Bárimiz qýandyq.

Qosh, konkýrs jarııalandy. Jeńimpaz bolýdan dámeli jannyń bári 3 kúnniń ishinde qujat tapsyrdyq. 2023 jyldyń 6-12 maýsym aralyǵynda usynylǵan qujattar Komıssııamen qaralady degen talap odan ári kúsheıtilip, ár kásipker komıssııa aldynda óz balabaqshasyna prezentasııa jasaý kerek, fotoesep pen vıdeorolık jasalsyn degen shart qoıyldy. Allanyń qalaýymen budan da óttik. Sáıkestikti anyqtaý maqsatynda komıssııa uıymdardy aralady. Kásipkerler tarapynan eshqandaı kedergi bolmady, talapqa saı, 381-shi buıryq oryndaldy.

Endigi is tek komıssııa quramynda qaldy, Hattama shyǵarý. 22 maýsymda shyǵatyn Hattama 13 qyrkúıekte ilindi, alyp tastalmasa eken dep, ıtpen qaraýyldap otyrmyz. О́ıtkeni buǵan deıin ilingen 2 hattama izim-qaıym joǵalyp ketti. Joǵalǵan hattamany ıtpen izdep Basqarmaǵa bardyq, sóıtsek tehnıkalyq qatelikter ketipti-mis. Bir emes, 2 ret qatelikke jol bergen Bilim basqarmasyna aıtar sózimiz joq. Bilim basqarmasynda osyndaı qatelikterge jol berilse, qol astyndaǵy balabaqshalar, 1000-nan asa mektep pen pálenbaı kolledjderdiń jaǵdaıyn aıtpaı-aq qoısaq bolatyn shyǵar?!

Odan keıin mekeme ataýy ózgerýine baılanysty taǵy kútýge týra keldi. Osy eki aralyqta aldyńǵy komıssııa quramynyń 2 ret ilinip, joq bolǵan sheshimi óz kúshin joıyp, komıssııa quramy qaıta quryldy. Kásipkerler aıaǵynan tozdy, basqarmada jaýap beretin adam joq, muny qalaı túsinemiz?

Basqarma basshysy demalysta, mindetin ýaqytsha atqarýshy qolyn silteıdi, jumysy kóp. Aldyńǵy komıssııa tóraǵasynyń orynbasary B.Ahmetov «komıssııadan shettetildim, jaýabyn Sadyqova Ardaq Mádihanqyzynan surańdar» deıdi. Al basqarma basshysynan jaýap joq.

Qolyna bılik tıgen Sadyqova Ardaq Mádihanqyzy Komıssııa quramyn qaıta quryp, qaıta otyrys ótkizipti. Ne úshin? Aldyńǵy shyǵyp úlgermegen hattama óz kúshin joıdy.

Hattamanyń keshigýi qaýlyny keshiktiredi, qaýlynyń keshigýi qarjynyń keshigýine ákeletinin Sadyqova hanym bilmeıdi emes, bilip otyr. Sanaly túrde keshiktirip jatyr dep aıtýǵa tolyq negiz bar. О́z arasyndaǵy alaýyzdyqtyń zardabyn kásipkerler tartýda. (Buǵan kýá de boldyq.)

Qazannan qaqpaq ketse, ıtten uıat ketedi demekshi, endi ashynǵan kásipkerler Sadyqova Ardaq Mádihanqyzyna ashy sózderin uıalmaı aıtatyn boldy. Jumysty uıymdastyra almasań, ornyńdy bosat, ákeńnen muraǵa qalmaǵan shyǵar degen sózderdi kózine de, áleýjeli arqyly da aıtýda.

Bilim basqarmasy qorjynyna túsken aqshany "balalatqysy" kelip otyr ma?

Bylyqqa batqan basqarma ekeni taǵy da dáleldendi. Qazir ádildik izdegen balabaqshalardyń sońyna túsý operasııalary bastalyp otyr.

Ol týraly kelesi hatymyzda jarııalaıtyn bolamyz.

P.S. Hattama, Qaýly suraǵan kásipkerlerge bul kúnde basqarma basshysynyń m.a. Sadyqova hanym qolyn silteıdi. Ne degen mádenıetsizdik? Basqarmanyń jaýapsyzdyǵynan kásipkerler ózderine tıesili qarajattan qaǵylyp otyr.

Qarjy joq emes, qorjynda tur ǵoı? Álde ony úlestirýdiń basqa jolyn tappaı jatyr ma? Maýsym bolmasa da, shildeden bastap qarjylandyrýǵa ilinetin múmkindikten aıyrǵan Sadyqova hanymǵa sóz tappaǵandyqtan, kásipkerlerge óz datyn mınıstr men ákimge joldaýǵa týra keldi. 

«Baıqonys» 2 balabaqshasynyń quryltaıshysy Stambekova M.B.

«Aınalaıyn» bóbekjaı-balabaqsha meńgerýshisi Týleýova E.T.

«J.Mahanbetova atyndaǵy balabaqsha» meńgerýshisi Ergýbekova J.S.

Qasymhan Begmanov atyndaǵy mektep-gımnazııa jáne bóbekjaı-balabaqsha quryltaıshysy T.Kóshenova

«Súıkimdi balaqaı - 2» balabaqshasynyń quryltaıshysy B.Altynbaeva

 

Osy máselege baılanysty aıtar ýájderi bolsa, QR Oqý-aǵartý mınıstrligi, Túrkistan oblysynyń ákimdigi men Túrkistan oblysy Bilim basqarmasynyń jaýaptaryn Qamshy.kz jarııalaýǵa daıyn.