• USD 468.56

  • EUR 497.56

  • RUB 7.3

  • CNY 67.18

25 Aqpan, 11:56:52
Almaty
+35°

Qazaqstandyq boksshy Beıbit Shúmenov ózine qatysty daýly jaǵdaıǵa qatysty túsinikteme berdi. Bul týraly sportshy óziniń Instagram paraqshasynda jazdy. 

"Jaǵymsyz jaǵdaı oryn alǵanyn bilemin. Biraq áleýmettik jelide taraǵan vıdeo meni jaǵymsyz túrde kórsetken. Oqıǵanyń mán-jaıyn bilmeı oqyrmandar meniń tarapyma teris pikirler jazyp, balaǵattap jatyr eken. Qazirgi zamanaýı tehnıkalar bar kezde oqıǵany basqa jaǵynan kórsetý ońaı ekenin bárimiz bilemiz. О́ziniń áreketin durys etip kórsetip, oqıǵany burmalaý úshin vıdeo qıylyp, jelige taratylǵan", dep jazdy sportshy. 

Keıin boksshy janjaldyń ne sebepti týyndaǵanyn túsindirdi. Onyń sózinshe, daý balalar arasyndaǵy kelispeýshilikten bastalǵan. 

"8 jastaǵy balam ózin tanymaıtyn balanyń urǵanyn aıtyp maǵan shaǵymdandy. Keıin ákesine bolǵan jaǵdaıdy aıtyp, "balamdy urǵan seniń ulyń ba?" dep suradym. Ol bolsa ashýly túrde "Iá ne isteı alasyń?" dep jaýap qatty. Onyń agressıvti jaýabyna qatty tańǵaldym. Men otbasymmen birge demalyp, jaqsy ýaqyt ótkizý úshin kelgen edim", deıdi Beıbit Shúmenov. 

Alǵashynda boksshy eskertý jasaǵan. 

"Jelkesinen ustap: Qalaı-qalaı sóılesip tursyń dedim. Alaıda ol qolyna ústel ústinen zat alyp, maǵan shabýyl jasaýǵa tyrysty. Qolyna alǵan zaty pyshaq emes ekenin baıqaǵan soń balasyn oryndyqqa otyrǵyzdy. Ol óz balasyn qalqan retinde qoldandy. Ashýly kúıinde qolyna pyshaq alyp qaıta shabýyldady. Ol maǵan pyshaqpen shabýyldaǵan soń ashýǵa mindim. Men endi óz balamdy ǵana emes, ózimdi de qorǵaýym qajet edi. Vıdeodan baıqasańyzdar men er azamatty dıvan jaqqa qaraı ıterdim. Balasyn qolynan tastaýy úshin osylaı istedim. Al kásibı boksshy retinde ózimniń qaıda soqqy jasaıtynymdy jaqsy bilemin. Sol sebepti balaǵa qolymnyń ushy da tımedi", dep jazdy ol. 

Sondaı-aq boksshy óziniń balasyn urǵan balanyń aýtızmmen aýyratynyn aıtty. Balanyń anasy boksshy men onyń áıelinen keshirim suraǵan. 

"Aýdandyq bólimge barǵan kezde balalar eshteńe bolmaǵandaı oıyn oınady. Al anasy menen jáne áıelimnen keshirim surady. Kishkentaı bala esh sebepsiz basqalarǵa qol jumsap, uryp-tebedi eken. Muny estip qatty ókindim. Anasyna sabyr tilep, tezirek jazylyp ketýin tiledim", deıdi Beıbit Shúmenov. 

Onyń aıtýynsha, er adam asa zardap shekken joq.

"Sot saraptamasy onyń dene jaraqattarynyń saldarynan densaýlyǵyna jeńil de, ortasha da zııan tımegenin rastady jáne anyqtady. Er adamnyń qolynda bolǵan baladan keshirim suraǵym keledi jáne bala osy jaǵymsyz kórinistiń kýási bolǵanyna ókinemin. Qazirgi ýaqytta janjal tolyǵymen aıaqtaldy. Meni jamandaǵysy keletin barlyq adamdarǵa aıtarym – men qara bolsyn, aq bolsyn, pıarǵa qyzyqpaımyn jáne las ıntrıgalarǵa qatysqym kelmeıdi", – dedi Shúmenov.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir