Almatyda 65 myńnan astam bala tegin seksııamen jáne úıirmemen qamtyldy

Almatyda 65 myńnan astam bala tegin seksııamen jáne úıirmemen qamtyldy. Bul týraly áleýmettik jelide damubala.kz portalyn ázirleýshi QazTiqet kompanııasy habarlady.

Almaty ákimdigi 2023 jyly jan basyna shaqqandaǵy qarjylandyrý baǵdarlamasyn iske asyrý úshin 65 739 vaýcherge eseptelgen 16,2 mlrd teńge bóldi, onyń 30 495 - sport seksııalaryna, 35 244 - shyǵarmashylyq úıirmelerge arnalǵan. Bul eldegi qalalar men oblystar arasynda balalardyń tegin seksııalar men úıirmelerge barýyna bólingen bıýdjet qarjysynyń eń kóp bóligi. Mysaly, Astana qalasynda 6,5 mlrd teńge, Shymkent qalasynda 5,7 mlrd teńge, Qyzylorda oblysynda 4,3 mlrd teńge jáne t.b. bólindi.

Ata-analardyń derekterin elektrondyq sıfrlyq qoltańba ("Elektrondyq qujattar jáne elektrondyq sıfrlyq qoltańba týraly" Qazaqstan Respýblıkasy Zańynyń 1-babynyń 12) tarmaqshasy) arqyly rastaýǵa, sonymen qatar, memlekettik derekqorlarmen ıntegrasııalaýǵa baılanysty DamuBala jańa platformasyna kóshý kezinde 22 781 oryn bosady.

Osylaısha, ótken jyldan beri belsendi vaýcherler sany 42 958, bosaǵan vaýcherler sany 22 781, beriletin vaýcherlerdiń jalpy sany 65 739 jetti. Qazaqstan Respýblıkasy Mádenıet jáne sport mınıstriniń 2021 jylǵy 28 sáýirdegi №120 jáne 122 buıryǵymen bekitilgen balalar men jasóspirimderge arnalǵan memlekettik shyǵarmashylyq jáne sporttyq tapsyrystardy ornalastyrý jáne olardyń jumys isteýi qaǵıdalarynyń 3-tarmaǵynyń 2) tarmaqshasyna sáıkes, osy jyldyń 3 jáne 10 mamyrynda bosatylǵan 22 781 oryndy bólý maqsatynda balalar men jasóspirimderge arnalǵan memlekettik shyǵarmashylyq DamuVala onlaın platformasyna kezekke tirkeý aıaqtaldy. Sonyń nátıjesinde 55 889 ótinimniń kezegi túzildi, qazirdiń ózinde belsendi 42 958 vaýcher bar.

12 mamyrda 22 781 tegin vaýcher berý rásimi bastaldy. "Mádenıet týraly" Qazaqstan Respýblıkasy Zańynyń 8-babynyń 14-4) tarmaqshasyna jáne "Dene shynyqtyrý týraly" Qazaqstan Respýblıkasy Zańynyń 8-babynyń 20-7) tarmaqshasyna sáıkes, vaýcherler bekitilgen qarjylandyrý kólemi sheginde beriledi.

Vaýcher berilgen soń kezektegi úmitkerlerdiń sany 33 108 bolatyndyqtan, bul Qazaqstan Respýblıkasy Mádenıet jáne sport mınıstriniń 2021 jylǵy 28 sáýirdegi №120 jáne 122 buıryǵymen bekitilgen balalar men jasóspirimderge arnalǵan memlekettik shyǵarmashylyq jáne sporttyq tapsyrystardy ornalastyrý jáne olardyń jumys isteýi qaǵıdalarynyń 3-tarmaǵynyń 2) tarmaqshasyn basshylyqqa ala otyryp, 13 mamyr kúni, saǵat 00:00-de bıýdjette kózdelgen qarajat kóleminen edáýir asyp túsedi, DamuBala onlaın platformasynda kezekke qoıý aıaqtaldy.

Aldaǵy ýaqytta kezekte turǵandar arasynda shyǵarmashylyq úıirmeler men sport seksııalaryna oryn bólý oryn bosaǵan saıyn jalǵasady. Bul týraly ýaqytyly habarlanady.

Anyqtama úshin aqparat:
Myna sebepterge baılanysty oryndar bosatylady: basqa qalaǵa kóshý, balany úıirmeden nemese seksııadan shyǵarý, vaýcherden bas tartý, balanyń aýyrýyna baılanysty qatyspaýy jáne t.b.
Aıta keteıik, vaýcherdi alǵan ata-analar ol iske qosylǵansha balalary seksııaǵa nemese úıirmege 10 kún ishinde eki ret tegin barýǵa quqyly. Bul ereje Qazaqstan Respýblıkasy Mádenıet jáne sport mınıstriniń 2021 jylǵy 28 sáýirdegi №122 jáne 2022 jylǵy 27 sáýirdegi №120 buıryǵymen bekitilgen. Normatıvtik quqyqtyq aktilerge sáıkes, osy 10 kún ishinde úıirme basshylarymen qyzmet kórsetý týraly shartqa qol qoıyp, vaýcherdi iske qosý úshin qujattardy tolyq usynýyńyz qajet. Oǵan myna qujattar jatady:
1) erkin úlgide sport seksııasyna/shyǵarmashylyq úıirmege qabyldanýǵa ótinish;
2) balanyń sýreti;
3) balanyń týý týraly kýáliginiń kóshirmesi;
4) 027/ý úlgidegi medısınalyq anyqtama;
5) balanyń zańdy ókiliniń jeke basyn kýálandyratyn qujattyń kóshirmesi.