03 Sáýir, 2024 El
Tatarstanǵa shabýyl jasaǵan pılotsyz ushaq Qazaqstan aýmaǵynan ushyryldy - reseılik depýtat
Qorǵanys mınıstrligi Tatarstannyń Elabýga jáne Nıjnekamsk qalalaryndaǵy kásiporyndarǵa jasalǵan dron shabýylyna Qazaqstannyń qatysy joq ekenin habarlady.
Foto: ashyq derekkózden
Keshe Reseı Memlekettik Dýmasynyń depýtaty Andreı Gýrýlev Tatarstanǵa shabýyl jasaǵan ýkraındyq drondy Orta Azııa dalasynan ushyrýǵa bolatyndyǵyn joqqa shyǵarmady.
"Keıbir Telegram-kanaldarda Tatarstan Respýblıkasynyń obektilerine shabýyl jasaǵan ushqyshsyz basqarylatyn qurylǵylardyń Qazaqstan aýmaǵynan ushyrylǵany týraly taralǵan aqparat shyndyqqa janaspaıdy", - dep jazylǵan mınıstrlik taratqan resmı málimette.
Vedomstvo mamandarynyń paıymdaýynsha, mundaı jalǵan málimet Qazaqstan Respýblıkasynyń bedelin túsirýge baǵyttalǵan.
"Osyǵan baılanysty azamattar men buqaralyq aqparat quraldaryna taralǵan qaýesetterge mán bermeýin jáne tek resmı aqparat kózderine senýin suraımyz", dep jazylǵan mınıstrlik málimetinde.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir