26 Qańtar, 2023 NEWS
Foto: Inga Imanbaıdyń facebook paraqshasynan
Búgin sotta prokýratýra oppozısııalyq belsendi Janbolat Mamaıǵa jańa aıyptaý aktisin oqyp, oǵan Qańtarda «jappaı tártipsizdik uıymdastyrdy» degen aýyr bapty ildi. Bul týraly quqyqqorǵaýshy, belsendiniń kelinshegi Inga Imanbaı habarlady.
Sot sheshimi boıynsha kináli dep tanylǵan adamdy 10 jylǵa deıin bas bostandyǵynan aıyrýdy kózdeıtin aıyp tirkelmegen Demokratııalyq partııa jetekshisine buǵan deıin de taǵylyp, keıin alynyp tastalǵan.
Inga Imanbaı aıyptyń alynýyn halyqaralyq uıymdardyń Qazaqstan bıligine qysym kórsetýimen jáne el ishindegi jurtshylyq narazylyǵymen baılanystyrady. Alaıda prokýratýra aýyr aıypty qaıta taǵyp otyr.
"Bul Janbolat Mamaıǵa qarsy jasalyp otyrǵan saıası astary bar qýdalaý dep sanaımyz. Mine, on bir aıdan asty, oǵan qylmystyq kodekstiń túrli baptaryn ildi, birin alyp tastady, endi birin qaıtaryp otyr. Janbolattyń jappaı tártipsizdik uıymdastyrýǵa esh qatysy joq. Onyń barlyq sózderi, qımyl áreketi tikeleı efırde kórsetildi, eldiń aldynda júrdi ózi de" deıdi Inga Imanbaı.
Janbolat Mamaı 2022 jylǵy aqpan aıynda qańtar oqıǵasynyń 40 kúndigine oraı ótken qaraly mıtıngten keıin uzamaı ustalyp, qarashaǵa deıin tergeý ızolıatorynda qamaýda otyrǵan. Oǵan o basta jappaı tártipsizdik uıymdastyrdy, polısııaǵa til tıgizdi, jalǵan aqparat taratty degen aıyptar taǵylǵan. Byltyr qazan aıynyń sońynda jappaı tártipsizdik uıymdastyrdy degen aıyp beıbit jıyn ótkizý tártibin buzdy degen jeńilirek aıypqa aýystyrylǵany belgili boldy. Al 2 qarasha kúni sot oǵan qatysty bultartpaý sharasyn ózgertip, tergeý ızolıatorynan úıqamaqqa jibergen. Sodan bergi sot otyrystary jalǵasyp keledi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir