Almaty oblysy: "Sonar - 2022" Respýblıkalyq týrnıri óz máresine jetti

Qarashanyń 24-27 kúnderi aralyǵynda Qonaev qalasynyń mańynda Memleket jáne qoǵam qaıratkeri Dinmuhamed Ahmetuly Qonaevtyń 110 jyldyǵyna oraı qusbegilikten "SONAR - 2022" Respýblıkalyq ashyq týrnıri ótti.

Týrnırde Qazaqstan sportshylarynan bólek, Qyrǵyzstan, Túrkııa, Qytaı jáne Mońǵolııa elderiniń qusbegileri ózara baq synasty.

Bul dodaǵa jalpy sany 19 komanda, 100-ge jýyq sportshy, 64 búrkit, 14 qarshyǵa, 10 shaqty ıtelgi qatysty.

Ulttyq sport ulyqtalǵan sharanyń fınaldyq kezeńinde Almaty oblysy ákiminiń mindetin atqarýshy Marat Sultanǵazıev, Ulttyq jáne at sporty túrleri ortalyǵynyń dırektory Baqdáýlet Sábıtov, "Habar" medıaholdınginiń basqarma tóraǵasy Berik Ýálı, "Qyran federasııasy" qoǵamdyq qorynyń prezıdenti Nurlan О́nerbaev, "Qyran federasııasy" qoǵamdyq qorynyń atqarýshy dırektory Baǵdat Múptekeqyzy boı kórsetip, jeńimpazdardy marapattady.

"Túrki halyqtarynyń dástúrin saqtap, jalǵastyrýshy sportshylar, Ulttyq oıyndy dáripteýge úles qosyp júrgen qonaqtar Qonaev qalasyna qosh keldińizder! Jańadan oblys ortalyǵy atanǵan Qonaev qalasyna mán berip, búgingi sharany qoldaǵandardyń bárine alǵys aıtamyn! Bıyl Túrkııada ótken "Kóshpendiler oıyny" 2024 jyly Almaty oblysynda ótedi. Bul da biz úshin úlken qýanysh",- dedi quttyqtaý sózinde oblys ákiminiń mindetin atqarýshy Marat Sultanǵazıev.

Sonymen qatar ol joǵaryda esimi atalǵan qurmetti qonaqtarǵa Almaty oblysynda sportty damytýǵa qosqan úlesi úshin Alǵys hat tabys etti.

Al "Qyran federasııasy" qoǵamdyq qorynyń prezıdenti Nurlan О́nerbaev bolsa "Habar" medıaholdınginiń basqarma tóraǵasy Berik Ýálıge federasııa atynan arnaıy daıyndalǵan sadaqty syılady.

"Sonar" jarysy 23 jyl boıy Almaty oblysy aýmaǵynda ótkizilip, bıyl oblys týy Qonaev qalasyna tigildi. О́ziniń enshiles saıysyn óz jerinde ótkizý - quptarlyq jaǵdaı",- dedi Nurlan О́nerbaev.

Tilshilerge suhbat bergen qusbegilik sportynan Almaty oblysynyń aǵa jattyqtyrýshysy Eltaı Jumaǵululy bıylǵy "Sonar"-dyń ereksheligi - ańǵa ruqsat etilip, qyran men tazylardyń túlki alýy ekenin aıtty.

Sharanyń resmı bóliminen soń fınalǵa ótken 7 búrkit "ýaqytqa tazy alý" oıyny boıynsha kim jyldam ekenin anyqtady. Budan bólek, jer-jerdiń mergenderi sadaq atys oıynyn ótkizip, tazylar "ań aýlaýda” ózara báıgege tústi.

Nátıjesinde basqa qyrandardan erekshe qalqyp ushyp, túlkini jyldam alǵan astanalyq Kúntuǵan Serikbektiń búrkiti jeńimpaz atandy. Búrkittiń bapkerine altyn medal, kýbok, 1 mıllıon teńge aqshalaı sertıfıkat tabystaldy.

Bas júldeden bólek, I jáne II oryn ıelengen oıynshylar da tıisti dárejeli syılyqtarmen, gramotalarmen, aqshalaı sertıfıkatpen marapattaldy.

Olardyń tizimi kelesideı:

"BÚRKIT" boıynsha:

2 oryn - Ákimbekov Jalǵas, Jambyl oblysy;
3 oryn - Qurmanǵalıev Aqbergen, Almaty qalasy;
4 oryn - Tańatov Ǵabıt, Almaty qalasy;
5 oryn - Seıtjaev Almas, Almaty oblysy.

"QARShYǴA" boıynsha:

1 oryn - Seıtjan Beksultan, Almaty oblysy;
2 oryn - Ábdikerimuly Imanǵalı, Atyraý oblysy;
3 oryn - Bekmuhan Aıdar, Almaty oblysy.

"SUŃQAR" boıynsha:

1 oryn - Shamýratov Baqyt, Qyrǵyzstan;
2 oryn - Ospanqulov Tanat, Qaraǵandy oblysy;
3 oryn - Beıshebekov Nurseıit, Qyrǵyzstan.

"QUMAI TAZY" jarysy boıynsha:

1 oryn - Býralqıev Júrsin, Almaty qalasy;
2 oryn - Kýrdjıdı Nester, Almaty oblysy;
3 oryn - Nurmuhan Birjan, Almaty qalasy.

Aqerke Jumaǵazyqyzy