13 Shilde, 2022 NEWS
Foto: sputnik.kz
Tarazdaǵy "Qazfosfat" zaýytyn aýaǵa zııandy zattar tarap ketýine baılanysty ýaqytsha jabý kózdelip otyr, dep habarlady Astana telearnasy.
Tarazdaǵy alyp óndiris "Qazfosfat" zaýytynda tehnıkalyq apat bolyp, odan shyqqan qoıý tútin qala kóshelerine jaıylǵan. Oblystyq ekologııa departamentiniń mamandary kásiporyn jumysyn ýaqytsha toqtatpaq. Sebebi, aýaǵa zııandy kúkirt sýteginiń mólsheri shamadan tys tarap ketken. Bul jaǵdaı táýligine eki ret qaıtalanǵan.
"Sanıtarlyq qoǵaý aýmaǵynan synama alynyp, ol jerde kúkirt sýtek zııandy zattar anyqtalyp, normadan tys asqany anyqtaldy. Qazirgi tańda jospardan tys tekseris daıyndalyp, zerdeleý jumystary júrgizilip jatyr. Jóndegenge deıin zaýyt jumysyn ýaqytsha toqtatatyn shyǵarmyz" dedi Jambyl oblysy ekologııa departamentiniń bólim basshysy Serik Nurbaev.
Taraz turǵyndary dúısenbi keshke áleýmettik jelilerde tuman basqan qalanyń vıdeolaryn jappaı bólisken Olar jaǵymsyz ıis saldarynan tynys alý qıyndaǵanyn aıtqan. Qalany tútin basýyna "Qazfosfat" zaýytyndaǵy jaǵdaı sebep bolǵan. Saǵat keshki 20:00-de monogıdratty absorber sorǵysy isten shyǵyp, aýaǵa gaz (kúkirt trıoksıdi) taraǵan. Osyǵan baılanysty seh jumysy shuǵyl toqtatyldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir