• USD 470.9

  • EUR 496.94

  • RUB 8.83

  • CNY 70.33

25 Maýsym, 05:21:42
Almaty
+15°
Dostyq úıiniń 30 jyldyǵyn merekeleý aıasynda О́skemen qalasynda VIII oblystyq dástúrli «Stýdenttik kóktem-2022» festıvali ótti. Sońǵy eki jylda koronavırýs indetine baılanysty onlaın formatqa kóshken edi. Bıyl baıqaý jastarǵa qaıtadan aıqara esik ashty.
 
Bilimdi de ónerli stýdentter úlken sahnada júzbe-júz qaýyshty. Shara shyǵarmashylyq, «Jastar tańdaýy» jáne kásiptik baǵdar berý atty 3 baǵytta ótti. 4 ýnıversıtet pen 6 kolledj stýdenti bas qosty.
 
Festıvalge qatysýshylar elimizdegi ultaralyq kelisimdi ulyqtap, bereke-birlikti tý etip kórsetti.
 
«О́ńirde jastar saıasatyn nasıhattaýda «Stýdenttik kóktem» festıvali erekshe rol atqarady. Dostyq úıiniń 30 jyldyǵyn merekeleý aıasynda, shara ultaralyq birlik taqyrybyna arnalǵan. Eń basty Qazaqstannyń qundylyǵy bul árıne bizdiń turaqtylyǵymyz árıne bizdiń ultaralyq kelisimimiz sondyqtan osy ıdeologııany​ nasıhattaý úshin osyndaı úlken formatta ótkizip otyrmyz» dedi ShQO ishki saıasat basqarmasynyń basshysy Jasulan Sársebaev.
 
«Stýdenttik kóktem-2022» festıvaliniń basty maqsaty stýdentterdiń qoǵamdaǵy belsendiligin jáne mádenı-shyǵarmashylyq áleýetin arttyrý, oryndaýshylyq sheberligin shyńdaý, daryndy stýdentterdi qoldaý, oblystaǵy oqý oryndardyń kásibı baǵdar berý boıynsha jumystaryn jandandyrý.
Foto: ShQO aqparat ortalyǵy
 
Festıval qorytyndysy boıynsha bes nomınasııa boıynsha jeńimpazdar anyqtaldy. Rymbek Baıseıitov atyndaǵy Semeı qarjy-ekonomıkalyq kolledji «úzdik kásibı alań» nomınasııasy boıynsha, JOO arasyndaǵy «Úzdik shyǵarmashylyq baǵdarlama» Dáýlet Serikbaev atyndaǵy ShQMTÝ jeńimpaz atandy. Semeı qalasyndaǵy Álıhan Bókeıhan ýnıversıteti «joǵary oqý oryndary arasyndaǵy úzdik kásibı alań» dep tanyldy. «Jastar tańdaýy» nomınasııasyn Sársen Amanjolov atyndaǵy Shyǵys Qazaqstan ýnıversıteti jeńip aldy.
 
Sonymen qatar munda bolashaq mektep jáne kolledj túlekterine kásiptik baǵdar berildi Oqý oryndary mamandyq túrlerimen tanystyrdy. О́skemenniń myńnan astam joǵary synyp oqýshylary qatysty.
 
«Bolashaqta men jýrnalıst bolǵym keledi. О́zim úshin JOO tańdap qoıdym. Uıymdastyrýshylarǵa árbir oqý ornymen tanysýǵa múmkindik bergeni úshin rahmet» dedi bolashaq talapker Iýlııa Solomatına.
 
Búginde  ShQO-da jastardyń 25 paıyzyn stýdentter quraıdy. О́ńirdiń 8 joǵary oqý orny men 86 kolledjinde 66 548 stýdent bilim alýda. «Bilikti maman» jobasy boıynsha, sońǵy eki jylda, óńirde tapshy mamandar daıyndaýǵa oblys ákiminiń arnaıy granttary bólinip keledi. Osy kúni 646 jas grant ıegeri atanyp otyr. Jumystyń oń nátıje búginniń ózinde kórinis tabýda.  Sońǵy eki jylda mektep túlekteriniń bilim alý úshin shetelge ketýi úsh esege azaıdy.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir