Júrgizýshi kýáligin alý talaptary kúsheıgeli kýálik satýshylardyń jumysy turalap qalǵan

 

– Barlyq mamandandyrylǵan HQKO-lar jańǵyrtylýda. Teorııalyq emtıhan tapsyrý kezinde arnaıy bıometrııalyq júıe engizildi. Ol engizilgen sátten bastap Qazaqstan boıynsha júrgizýshi kýáligin alǵandar sany orta eseppen 58%-ǵa tómendedi. Byltyr birinshi toqsanda 36 myń adam júrgizýshi kýáligin alsa, bıyl – 15,2 myń adam. "Sondaı-aq avtodromdardaǵy jabdyqtar jańartylady. Endi kishigirim apat bolǵan jaǵdaıda da, avtomobıl qajetti element durys jasaldy ma, joq pa, kórsetedi. Sebebi olar GPS tehnologııasy arqyly jumys isteıdi. Qazirgi ýaqytta 14 mamandandyrylǵan HQKO-da avtodromdar jańǵyrtyldy. Árıne, júrgizýshi kýálikterin berý rásimderin kúsheıtýge baǵyttalǵan barlyq sharalar kezekterge ákep soqty, ony Shymkent qalasynda bolǵan jaǵdaıdan kórdik. Eger buryn kýrsanttardyń 50%-y júrgizýshi kýáligin sátti tapsyrsa, qazir besinshi retten keıin ǵana tapsyra bastaıdy. Kezek qalyptasady, mamandandyrylǵan HQKO-larǵa túsetin júkteme artady. Infraqurylymdy arttyrýymyz kerek, – dedi ol.

 

Súıenish Ábdildın ınfraqurylymdy kúsheıtý maqsatynda Túrkistanda, Túrkistan oblysynda, Jańaózende jáne Arqalyqta avtodromdar ashý úshin jedel jumys júrgizilip jatqanyn jetkizdi.

 

Sondaı-aq ol IIM-men birlesip, avtomektepterdiń jaýapkershiligin kúsheıtý jáne synaq emtıhandaryn engizý boıynsha máseleler pysyqtalyp jatqanyn atap ótti.

 

Bıometrııalyq júıe engizilýimen júrgizýshi kýáligin satyp alý rıskteri azaıǵan. Bul – kýálik satýshylardyń jumysyn qıyndatady. Jańa júıe engizilgenge deıin qara naryq arqyly kýálik satyp alý kategorııaǵa qaraı shamamen 50 myń men 100 myń teńgege bir-eki kúnde sheshiletin áńgime bolsa, qazir qara naryqtaǵy kýálik baǵasy 200 myń teńgeniń o jaq, bu jaǵynda ekeni, kýálik alý merzimi keıde birneshe aptaǵa, aıǵa sozylyp jatatyny týraly aqparat bar.