Nazarbaev 60 jasqa tolǵanda ákimder 1 mıllıon dollardan jınap berdi – Qaırat Nurqadilov

Memleket jáne qoǵam qaıratkeri Zamanbek Nurqadilovtiń balasy Qaırat Nurqadilov ákesi dúnıe jımaǵan adam bolǵanyn aıtty.

2000 jyly Qazaqstannyń eks-prezıdenti Nursultan Nazarbaev 60 jasqa tolǵanda Almaty oblysynyń ákimi bolyp turǵan Zamanbek Nurqadilov Nazarbaevqa úlken kartına syılaǵan.

– Ákeme bir jumystarmen kelsem, kómekshisi ol kabınetinde emes, akt zalda dedi. Barsam úlken kólemi 5*4 pa, 6*5 pe kartına tur. Jońǵarlarmen soǵys, qazaqtardyń jeńgeni beınelengen. Bul ne, úıge syımaıdy ǵoı desem, "prezıdenttiń 60 jasyna syılaǵaly otyrmyn" dep qalaı jetkizerin bilmeı tur eken. Konteınerge salyp, kólikpen jibereıik dedim. "Jaraıdy" dep demalatyn bólmesine kirip, sháı ishtik. Men ol kezde balamyn ǵoı "áke sen sýret berip jatyrsyń, qalǵan ákimder ne bergeli jatyr" dep suradym. "Qalǵan oblys ákimderi aqyldasyp, 1 mıllıon dollardan bergeli jatyr, mende ondaı aqsha joq. Ony tabý úshin aýdan ákimderin, káisipkerlerdi qysýym kerek. Olaı jasaǵan soń qaltama da salýym kerek, men olaı jasamaımyn, sende bolsa, senen de suramaımyn "dedi. Men sol kezde ákimniń azamattyǵyna tánti boldym, – deıdi Qaırat Nurqadilov.

Oqı otyryńyz:

♦ Qaırat Nurqadilov ákesi "sýısıd jasady" degenge kelispese, ózin óltiremiz dep qorqytqanyn málimdedi

♦ "Nazarbaevty maqtap, "ákem qatelesti" deseń, Almaty ákimi bolasyń" dedi". Nurqadilovtyń suhbaty