Foto: Vıdeodan skrınshot
Saıasatker, osydan 17 jyl buryn úıinen óli tabylǵan memleket jáne qoǵam qaıratkeri Zamanbek Nurqadilovtiń uly Qaırat Nurqadilov ákesiniń qazasyn qaıtadan tergeý máselesin kóterip, bas prokýratýraǵa hat jazǵan. Bul týraly ol jýrnalıst Nurseıit Jylqyshybaıǵa bergen suhbatyndaı aıtty.
Resmı nusqa boıynsha Zamanbek Nurqadilov ózin-ózi keýdesinen eki ret, basynan bir atyp ólgen.
Qaırat Nurqadilov ákesiniń ólimine qatysty resmı nusqamen esh kelispeıtinin, onyń kisi qolynan qaza tapqanyna senimdi ekenin aıtady. Ol "osy ýaqytqa deıin úndemeı kelýge májbúr boldym, 17 jyl boıy ishte saqtap júrý ońaıǵa soqpady, ákemdi bir sát te esten shyǵarmadym" dep otyr.
– Ákem qaıtys bolǵanda polısııa departamenti is qozǵap, meni jábirlenýshi retinde qatystyrdy. Departamentke shaqyryp, qylmystyq is aıaqtalǵan soń tergeý qorytyndysyna óziń qol qoıasyń dedi. Men ákemdi óltirgenin bildim. Departamentten shyqqanymda palto kıgen eki jigit kútip aldy. Olardyń jáı adam emes ekenin, organda isteıtinin túsindim. Keldi de "Qaırat, ózin-ózi óltirdi degenge kelisesiń" dedi. Kelispeımin desem, olar "seni óltirý as úıde ushyp júrgen shybyndy óltirýden de ońaı, sen bizge problema emessiń" dep aıtty. "Balalaryń, qaryndasyńdy áli kishkentaı, olardy kim asyraıdy, túsindiń be" dedi. Oılanýǵa ýaqyt surap edim, bir táýlik berdi. Men Fýrmanovtyń (qazirgi Nazarbaev - der) boıyndaǵy Ramstortaǵy telefon býdkasy arqyly ákimniń dosyna habarlastym. Ol kisi de qaıtys bolyp ketti, endi aıta berýge bolatyn shyǵar. Ol kisi "3 saǵattan keıin úıdiń janyndaǵy magazınge temeki alýǵa shyq, sol kezde sóılesemiz" dep aıtty. Kezdestik. Ol kisi "kelis, kelispeseń, sen de ketesiń. Sen qazir sheneýniksiń, paramen túrmege otyrǵyzyp, týberkýlez kamerasyna qamap, sol jaqtan shyqpaı qalasyń, erteń ákeńnin artynan júgiretin adam tabylmaı qalady. Bala-shaǵańdy kim asyraıdy? Erteń báriniń ýaqyty keledi" dedi. Biraq men 17 jyl ýaqyt kerek bolady dep oılamadym. Kóp bolsa, 5 jyl ketetin shyǵar, 2011 jylǵy saılaýda Nazarbaev ketetin shyǵar dep oılaǵam. Qarańyz, 17 jyl ótip ketti, – deıdi ol.
Qaırat Nurqadilov otbasyna qater tónip turǵanyn, "men ólim ketsem, ákemniń máselesin kóteredi" dep amalsyz keliskenin, bul syrdy 17 jyl boıy saqtap kelgenin, endi bárin jaıyp salatyn ýaqyt kelgenin jetkizdi.
Sondaı-aq ol "ózin óltirip ketýi múmkin" degen oı úreılendiretinin, biraq endi shyndyqty aıtý paryzy dep sanaıtynyn atap ótti.
Oqı otyryńyz:
♦ Nazarbaev 60 jasqa tolǵanda ákimder 1 mıllıon dollardan jınap berdi – Qaırat Nurqadilov
♦ "Nazarbaevty maqtap, "ákem qatelesti" deseń, Almaty ákimi bolasyń" dedi". Nurqadilovtyń suhbaty
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir