Foto: kaztag.kz
Qaırat Sháripbaev pen Ádilbek Jaqsybekovtiń "QazaqGaz" UK AQ dırektorlar keńesiniń quramyndaǵy ókilettigi merziminen buryn toqtatyldy. Bul týraly ulttyq kompanııanyń baspasóz qyzmeti habarlady.
"Samuryq-Qazyna" AQ basqarmasynyń 2022 jylǵy 18 aqpandaǵy sheshimine sáıkes, "QazaqGaz" UK AQ dırektorlar keńesiniń quramy ózgertildi. Osy sheshimmen Ádilbek Jaqsybekov, Qaırat Sháripbaev jáne Málik Sáýlebaıdyń ókilettikteri merziminen buryn toqtatyldy" delingen habarlamada.
"QazaqGaz" UK AQ dırektorlar keńesiniń músheleri, "Samuryq-Qazyna" AQ múddeleriniń ókilderi bolyp Ernat Berdiǵulov pen Nıkolaı Kazýtın saılandy.
Ernat Berdiǵulov "QazaqGaz" UK" AQ dırektorlar keńesiniń tóraǵasy bolyp saılandy.
Buǵan deıin májilis depýtaty Darıǵa Nazarbaevanyń kúıeýi Qaırat Sháripbaev qańtar oqıǵasynan keıin uzamaı Nazarbaevtar áýletiniń ókilderimen birge "QazaqGaz" basqarma tóraǵasy qyzmetinen ketken bolatyn.
Ádilbek Jaqsybekov "QazaqGaz" dırektorlar keńesin 2020 jyldyń qarashasynan bastap basqarǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir