• USD 433.3

  • EUR 464.19

  • RUB 6.48

  • CNY 64.56

28 Mamyr, 00:26:46
Almaty
+20°

AQSh-tyń Memlekettik hatshysy Entonı Blınken búgin Eýropaǵa bardy.

Blınken Berlınde Germanııa, Ulybrıtanııa jáne Fransııa ókilderimen kezdesýden buryn Kıevte Ýkraına prezıdenti Vladımır Zelenskıımen kelissózder júrgizedi.

Juma kúni ol Jenevada Reseı Syrtqy ister mınıstri Sergeı Lavrovpen kezdesedi.

Reseı buǵan deıin kórshiles Ýkraınaǵa shabýyl jasaý josparyn birneshe ret joqqa shyǵarǵan. Alaıda seısenbide AQSh-tyń joǵary laýazymdy sheneýnikteri Máskeý "kez kelgen sátte" Ýkraınaǵa basyp kirýi múmkin ekenin aıtty. Aq úıdiń baspasóz hatshysy Djen Psakı jýrnalısterge Reseı Ýkraınamen shekarasyna jaqyn jerde ondaǵan myń ásker jınaýy "óte qaýipti jaǵdaı" týdyrǵanyn aıtty.

Ol qaqtyǵysty boldyrmaý úshin "eshqandaı nusqa tys qalmaıdy" dedi jáne "hatshy Blınkenniń barýy alda dıplomatııalyq jol bar ekenin anyq kórsetedi" dep qosty.

Aty-jónin atamaýdy ótingen AQSh memlekettik departamentindegi joǵary laýazymdy qyzmetker Frans Press agenttigine bergen aqparatqa sáıkes, Blınken juma kúngi kelissózder kezinde Lavrovqa daǵdarystan "dıplomatııalyq jolmen shyǵýdy" usynbaqshy.

AQSh memlekettik departament sheneýnikteriniń aqparatynsha, AQSh Ýkraınanyń egemendigi men aýmaqtyq tutastyǵyn saqtaýǵa umtylady.

О́tken aptada Máskeý men batys elderi arasynda nátıjesiz kelissózder ótken. 

Máskeý Ýkraınaǵa basyp kirse, Reseıge úlken zardaptar men aýyr ekonomıkalyq shyǵyndar týdyratyn sanksııalar salynýy múmkin ekeni habarlandy. Vashıngton eýropalyq odaqtastarynan qoldaý tabýǵa tyrysady dep kútilýde.

Germanııanyń syrtqy ister mınıstri Annalena Baerbok dúısenbi kúni Kıevke sapary kezinde budan ári shıelenisý "Reseı rejımi úshin ekonomıkalyq, saıası jáne strategııalyq aýyr zardaptarǵa ákeletinin" málimdedi.

Ýkraınanyń qorǵanys mınıstri Alekseı Reznıkov Batys úkimetterin Máskeýge dereý sanksııa salýǵa shaqyrdy.

Reseıdiń Ýkraınaǵa basyp kirýi qantógis pen Eýropa úshin bosqyndar daǵdarysyna ákelýi múmkin ekeni eskertildi.

Al, Reseı tarapy NATO-nyń shyǵysqa qaraı keńeıýin toqtatýdy talap etetin birqatar talaptar qoıdy.

Dúısenbi kúni Ulybrıtanııanyń qorǵanys mınıstri Ben Ýolles Reseı Ýkraınaǵa basyp kirýin aqtaý úshin NATO-ny synap, nazardy aýdaryp otyrǵanyn aıtady. Ol Pýtındi "etnoultshyl" dep aıyptady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir