• USD 431.41

  • EUR 452.94

  • RUB 6.92

  • CNY 63.83

20 Mamyr, 15:51:42
Almaty
+21°

Almaty polısııa departamentiniń bastyǵy Qanat Taımerdenov qaladaǵy tártipsizdikterden qansha adam qaıtys bolǵanyn aıtty. Bul týraly ol ortalyq kommýnıkasııalar alańynda ótken brıfıngte málimdedi.

– Quqyq qorǵaý organdarynan 11 qyzmetker, beıbit turǵyndar ishinde 149 adam qaza tapty, – dedi Taımerdenov.

Sonymen qatar brıfıngte Qanat Taımerdenov qaladaǵy máıithanalardan 41 máıit urlalǵanyn málim etti.

– Shabýyldardy kásibı daıyndyqtan ótken, qarý-jaraq pen urys ádisterin jetik meńgergen adamdar jasaǵan. Olar qaza bolǵandar men jaralanǵandardy qaldyrmaı, ózderimen birge alyp ketti. Sol kúnderi máıithanaǵa 7 shabýyl jasalyp, sonyń barysynda belgisiz bireýler qaza bolǵan 41 adamnyń denesin urlap ketken, – dedi Almaty qalasy polısııa departamentiniń bastyǵy.

Keshe Qazaqstannyń Bas prokýratýrasy qylmystyq qýdalaý qyzmetiniń bastyǵy Serik Shalabaev elde tártipsizdikter kezinde jalpy 4578 adam zardap shekkenin málimdegen. Onyń ishinde 4353-i jaralanǵan, 3393-i quqyq qorǵaý organdarynyń qyzmetkerleri ekeni anyqtalǵan. 225 adam qaıtys bolǵan.

Eske sala keteıik, 2 qańtarda Mańǵystaý oblysynyń turǵyndary suıytylǵan gazdyń qymbattaýyna baılanysty mıtıngke shyǵyp, uzamaı eldiń ózge óńirlerinde de halyq narazylyǵy ótken. Beıbit mıtıng túrinde bastalǵan narazylyq sharalarynyń sońy jappaı tártipsizdikke ulasqan. Sonyń saldarynan Almaty, Taldyqorǵan qalalary qatty zardap shekti. Tártipsizdikter kezinde ákimdik ǵımaraty órtendi, prezıdent rezıdensııasy basyp alyndy. Dúkender, saýda ortalyqtary, bank keńseleri men bankomattar tonaldy.

"Qamshy" silteıdi
Ilmek sózder: Almaty mıtıng

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir