• USD 468.56

  • EUR 497.56

  • RUB 7.3

  • CNY 67.18

29 Naýryz, 13:30:14
Almaty
+35°

Foto: Shymkent qalasy ákiminiń baspasóz qyzmeti

Memleket basshysy kitaphanalar jumysyn jańashalandyrý qajettiligin atap, kúnimizde qarqyndy damyǵan elektrondy formatpen qatar dástúrli kitaphananyń aǵartýshylyq róli eshqashan joǵalmaıtynyn aıtqan bolatyn.

Bıyl Shymkentte 10 kitaphana jańǵyrtýdan ótip, olardyń mazmuny zamanaýı qyzmettermen tolyqty. Solardyń biri modernızasııadan ótip, zaman talabyna saı jasaqtalǵan Shymkent qalasyndaǵy kózi kórmeıtin jáne álsiz kóretin azamattarǵa arnalǵan arnaıy kitaphana.

Táýelsizdiktiń 30 jyldyǵyna oraı oqyrmandar ıgiligine tapsyrylǵan nysandy qala ákimi Murat Áıtenov aralap kórdi.

Foto: Shymkent qalasy ákiminiń baspasóz qyzmeti

Adamdy jan-jaqty damytatyn orta – bul kitaphana ekenin aıtqan qala basshysy bıyl qalada on kitaphana jańǵyrtýdan ótkenin jetkizdi.

«Jańǵyrtý – ótkennen qol úzip, jańa qundylyqtarǵa jol ashý degen sóz emes. Shyn máninde jańǵyrý – qolymyzdaǵy barymyzdy jańa qyrynan tanı bilý degendi bildiredi. Habarlaryńyz bar, ınternet dáýiri – jastarymyzdy ádebı qundylyqtardan alystatyp barady. Aqparat dáýirin tumshalaı almaımyz, oǵan beıimdelýimiz qajet. Kitaphanalardy oı-sananyń ortalyǵy retinde alǵa jyljytýymyz qajet. Sondyqtan, olardyń qyzmetin jańartyp, jastardy tartatyn orta retinde qyzmetin jandandyrýdamyz kerek»,-dedi M.Áıtenov.

Foto: Shymkent qalasy ákiminiń baspasóz qyzmeti

Modernızasııadan ótken rýhanı ortalyqtyń jumysymen tanysýǵa Almaty qalasy men Jambyl jáne Qyzylorda oblystarynyń zaǵıp jandarǵa arnalǵan kitaphana basshylary da arnaıy keldi. Olardyń aıtýynsha, Qazaqstanda zamanaýı ınterermen bezendirilgen, barlyq azamattarǵa teńdeı múmkindik jasalǵan osy syndy jańǵyrtylǵan kitaphana kemde kem.

Foto: Shymkent qalasy ákiminiń baspasóz qyzmeti

Kelýshilerge kreatıvti oqý buryshtary qoıylǵan jáne elektrondy kitap katalogtarymen tanysýǵa múmkindik bar. Konferens zaldar qarastyrylyp, zamanaýı tehnıkalarmen jabdyqtalǵan, ınternet baılanysymen qamtylǵan.

Sonymen birge balalardyń qosymsha bilim alyp, oınap tynyǵýyna arnalǵan «Baby Books» zaly, demalys buryshy men mýzyka tyńdaýǵa arnalǵan oryndar da bar. Oqyrmandar qajettiligi úshin kofe-bar qyzmet kórsetip, kitaphanalyq ortada ǵylymı debattar, dıskýssııalar ótkizýge múmkindikter ashylǵan. Sondaı-aq munda túrli baǵyttaǵy kezdesýler, ádebı tok-shoýlar, bıblıo-aýksıondar, benefıster, praktıkýmdar, blıs-vıktorınalar uıymdastyrýǵa utymdy orta túzilgen.

Kitahanada oqyrmandarǵa arnalǵan jazǵy mezgildegi sahna, jazǵy kitap sóreleri, eresekter men balalarǵa arnalǵan átkenshekter, zamanaýı kapsýlalar jáne balalar alańshasy ornatylǵan.

Bul kitaphana óz qyzmetin 1969 jyly bastap, búginde 7 myńnan astam zaǵıp jandarǵa kitaphanalyq qyzmet kórsetedi. Kitaphanada «Dybysty kitaptar shyǵarý», «Braıl kitaptaryn basyp shyǵarý» bólimderi men qazaqsha bederli-núkteli shrıftiń avtory Aqan Qasymovtyń atynda zal bar.

Aýdıoformattaǵy kitaptar sanyn ulǵaıtý jobasy sheńberinde bıyl ádebıetterdi dybystaý jumystaryna qalalyq teatr ártisteri men mádenıet qyzmetkerleri jumyldyryldy.

Foto: Shymkent qalasy ákiminiń baspasóz qyzmeti

Arnaıy kitaphananyń kitap qory 140 myńnan astam ádebıetten turady. Onyń ishinde bederli-núkteli áripti, jazyq baspaly, dıskide, nashar kóretinderge arnalǵan mátini úlkeıtilgen áripter jazylǵan ádebıetter men merzimdi basylymdar, kishi qalyptaǵy músinder, bederli-grafıkalyq quraldar qamtylǵan. Aýdıo ádebıetter qory 5 myńnan astam kórkem shyǵarmalardan turady.

Modernızasııa jumystarynan keıin oqyrman sanyn 14 myńǵa, kelýshiler sanyn 110 myńǵa, kitap berilimin 170 myńǵa jáne kitap qoryn 150 myńǵa arttyrý kózdelýde.

Shymkent qalasy ákimdiginiń baspasóz qyzmeti

"Qamshy" silteıdi
Ilmek sózder: shymkent kitaphana

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir