• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 00:32:04
Almaty
+2°

Sońǵy ýaqytta qazaqstandyqtar Ystambuldan arzan taýar ákelip, saýdamen aınalysamyn dep alaıaqtarǵa jem bolyp jatqan jaǵdaılar jıilep ketti. Túrkııada taýar shynymen de arzan ba, túrik bazarlary Ystambuldyń qaı jerinde ornalasqan, baǵasy tómen taýarlardy qaı bazardan tabýǵa bolady, osy jáne ózge de saýaldarǵa jaýapty Qamshy tilshisiniń materıalynan bilýge bolady.

1. Lalelı bazary – orys tildi týrıster arasynda tanymal saýda naryǵy. Bul jerde negizinen qymbat brenderdiń kıimderi satylady. Sondyqtan taýar baǵasy qymbat. Biraq sapasy da soǵan saı. Bazarda áıelder, erler jáne balalar kıimderiniń túri kóp. Bazardyń úlkendigi sonsha, ony tolyqtaı 4-5 kúnde aralap shyǵý múmkin emes. Lalelıge qalanyń kez-kelgen jerinen ońaı jetýge bolady. Metromen Sultanahmet beketine deıin jetip, ary qaraı on bes mınýt tramvaımen júrseńiz bolǵany. Bazar aptasyna 6 kún tańǵy 8:30-dan keshki 7-ge deıin jumys isteıdi. Jeksenbi kúni – demalys. 

Qamshy

2. Merter bazary – aqsha únemdeý úshin taptyrmaıtyn jer. Bul jerde dúkender kishigirim bolǵanymen, taýar baǵasy arzan. Kıimder jaqyn mańdaǵy sehtarda tikeleı tigiledi. Taýardyń baǵasymen qatar sapasy da jaqsy. Merter bazarynan áıelder men erlerge arnalǵan kıimder, sporttyq kostıýmder satylady. Al balalarǵa arnalǵan kıimder sırek. Alaıda bul bazardyń Lalelıden aıyrmashylyǵy, orys tilinde sóıleıtin satýshylar óte az.

Merter bazaryna metromen "Merter" beketi arqyly birden kelýge bolady.

Qamshy

3. Osman beı  – Ystambuldyń eń tanymal saýda ortalyqtarynyń biri. Osman beı bazarynda tanymal brend dúkender men jergilikti brendter de bar. Bul jerden toı kóılekteri men bitirý keshine arnalǵan kóılekter, balalar men eresekter kıimi men aıaq kıimi, elektronıka men turmystyq tehnıka, oıynshyqtar, kádesyılar jáne basqalaryn tabýǵa bolady. Bazardaǵy taýar baǵasy Lalelı bazaryna qaraǵanda 2-3 dollarǵa arzan. Sondaı-aq ol jerde erlerge arnalǵan kıimder kóptep kezdesedi.

Osman beı aýdany Stambýldyń qaq ortasynda ornalasqan. Oǵan metro arqyly jetýge bolady. Taksımen jetý ońaı jáne tez. 

Qamshy

4. Mahmýt pasha (Mamýt pasha) – Stambýldaǵy asa tanymal saýda ortalyqtarynyń biri. Bazar qalanyń eski – Fatıh aýdanynda ornalasqan. Mahmýt pasha bazarynda jaýlyqtar oramaldar tastarmen neshe túrli, qyz jasaýy, matalar, aıaq kıimderdiń (eko koja) alýan túri bar.

Mahmýt pasha bazaryna qoǵamdyq kólikke otyryp "Beıazyt-Kapalycharshy" aıaldamasynan túsý kerek. Qaladaǵy eń tanymal №T1 tramvaı baǵyty osy jerden ótedi.

Qamshy

5. Kapaly charshy – qaladaǵy eń úlken bazarlardyń biri. Bazar mańyndaǵy 66 kóshege 4000 dúken ornalasqan. Bul jerge táýligine 1,5 mıllıonǵa jýyq adam keledi.

Kapaly charshydan:     

  • brend kıimderdiń kóshirmesin;
  • túrli táttiler, rahat lýkým, shaı, bal, shokoladtar, shóp shaı;
  • oramal, jaýlyqtar;
  • dastarhan, jastyqtyń tystary sekildi úıge kerek zattar;
  • sývenırler (ydystar, quran, jaınamaz);
  • aıaq kıim alýǵa bolady.

Kapaly charshydaǵy kıimderdiń baǵasy qymbat bolǵanymen, sapasy nasharlaý. Ásirese ishki bazarlardaǵy baǵa joǵary. Bul jerde kóbinese amerıkalyq jáne eýropalyq týrıster saýda jasaıdy. Sondyqtan saýdagerler qalanyń basqa bazarlaryna qaraǵanda qymbat baǵa aıtady. Máselen, syrtta 50 teńge turatyn zatty bazar ishindegiler 5000 teńge deýi múmkin.

Kapaly charshy Stambuldyń tarıhı aýdanynda, Beıazyt pen Sultanahmet alańynan soltústik-batysqa qaraı 1 shaqyrym jerde ornalasqan. Munda Kabatash-Bagdjylar baǵytynan Kabatashqa qaraı júretin tramvaımen jetýge bolady. Ol úshin Beıazyt aıaldamasynan nemese Chemberlıtash stansııasynan túsý qajet.

Bazar 08:30-da ashylyp, 19:00-de jabylady. Keshen dúısenbiden senbige deıin jumys isteıdi, jeksenbi – demalys kúni.

Qamshy

6. Zeıtınbýrný (óte úlken bazar) bazary Zeıtınbýrný aýdanynda ornalasqan. Bul jer bylǵary jáne ań terisimen tanymal. Ondaǵy bazarlar bir-birine óte uqsas. Dúkenderdegi  baǵany aıtarlyqtaı tómendetý qıyn, óıtkeni taýar baǵasy zaýyttan shyqqan baǵaǵa jaqyn. Sondyqtan bir eki dúkenge kirip, baǵalaryn salystyryp shyǵý jetkilikti.

Bul bazardan ton, palto, túrli kúrtelerdi bir-birlep te, kóterme baǵamen kóptep te alýǵa bolady. Biraq alarda saýdagerlermen saýdalasý kerek. Bul jerden alatyn zattardy bazardan ǵana emes, fabrıkadan da tapsyrys berip alýǵa bolady

Zeıtýn býrmý bazaryna jetý úshin saýda jasaýshylar búkil aýdandy aralaýǵa ýaqyt ketiredi. Ýaqyt únemdeýdiń eń tıimdi tásili metroǵa otyrý. Qala ortalyǵynan júretin jerasty poıyzy týra bazardan "Zeıtınbýrný" beketinen túsirip ketedi. Bazarǵa taksımen de, avtobýspen de jetýge bolady.

Qamshy

"LC Wakiki", "Defacto", "Zara", "Koton" sekildi brend kıimderin Túrkııanyń úlken qalalarynan da tabýǵa bolady. Alaıda bul dúkenderdegi kıimderdiń Qazaqstannan ereksheligi kıimniń alýan túri bar, ári Qazaqstandaǵy taýarǵa qaraǵanda áldeqaıda sapaly, baǵasy da qoljetimdi. Bul dúkenderdi oıyn-saýyq ortalyqtary men kóshe boılarynnan kezdestirýge bolady.                    

Marhabat Ilııas

Almaty oblysy Raıymbek aýdany Qyzylshekara aýylynda týǵan. Ál-Farabı atyndaǵy Qazaq ulttyq ýnıversıteti jýrnalıstıka fakýltetin, Túrkııadaǵy Ankara Hadjy Baıram Velı ýnıversıtetin bitirgen. 2017-2018 jyldary Eýrazııa birinshi arnasynda redaktor bolyp istegen. 2018 jyly Qazaq Times saıtynda SMM maman bolǵan. 2021 jyldan beri Qamshy portalynda qyzmet atqarady.

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi
Ilmek sózder: Stambýl Bazar

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir