• USD 468.56

  • EUR 497.56

  • RUB 7.3

  • CNY 67.18

09 Aqpan, 11:12:35
Almaty
+2°

Turǵyndardyń gazdy paıdalanýda qaýipsizdik sharalaryn saqtaýy mańyzdy. Osyǵan baılanysty Shymkent qalalyq orta sapasy jáne baqylaý basqarmasynyń Gaz tehnıkalyq ınspeksııa bólimi tarapynan Qala ákiminiń jáne qala ákimi orynbasarynyń hattamalyq tapsyrmalaryna sáıkes, aýdan ákimdiktermin birlesip, turǵyndarǵa úgit-nasıhat túsindirý jumystary turaqty túrde júrgizilip keledi.

Jyl basynan túsindirý jumystary júrgizý barysynda 24 myń dana habarlama taratyldy. Sonymen qatar, turǵyndardyń gaz paıdalanýda qaýipsizdik sharalaryn saqtaý boıynsha 7 vıdeorolık, 7 brıfıng, gaz qubyrlarynyń qorǵaý aýmaqtaryna tıisti organdarmen jınalystar ótkizildi.

О́tken 2020-2021 jyldyń jylytý maýsymynda qala boıynsha gazben baılanysty kóptegen oqys-oqıǵalar tirkelgen bolatyn. Onyń ishinde ýly gazben ýlanyp 8 adam qaıtys bolǵan. Atalǵan oqıǵalardyń basty sebebi, turǵyndardyń tehnıkalyq talaptardy saqtamaýynan bolyp otyr.

Gaztehnıkalyq ınspeksııa bólimi tarapynan jumyspen qamtý jáne áleýmettik qorǵaý basqarmasynan qala boıynsha memlekettik ataýly áleýmettik kómek alýshy 34 862 azamattardyń tizimi alynǵan. 1 102 memlekettik ataýly áleýmettik kómek alýshy azamattardyń úılerine gazdabylqaqqyshtar (gazosıgalızator) ornatylǵan. Osy jumystar jeke demeýshiler esebinen jasalyndy.

Sonymen qatar, 2020-2021 jyldary paıdalanýǵa berilgen 2192 páterge SAKZ-MK-2-1 markaly gazdabylqaqqyshtar ornatylsa, osy jyldar qurylysy josparlanǵan 2424 páterge atalǵan gazdabylqaqqyshtar ornatylatyn bolady.

Sonymen qatar, qala aýmaǵynda 4 gaz jınaqtaý stansııalary ornalasqan. Avto gaz quıý qyzmetimen aınalysatyn 20 zańdy tulǵalardyń menshiginde 94 gaz quıý stansııalary bar. Atalmysh stansııalardyń ıelerimen gazdy paıdalaný kezende qaýipsiz sharalaryn saqtaý boıynsha Tótenshe jaǵdaılar departamentimen birlese tıisti sharalar júrgizilýde.
Sondaı-aq, qala aýmaǵynda ornalasqan jalpy sany 6 812 turmystyq sharýashylyq jáne kásipkerlik nysandardyń ıelerine de qaýipsiz sharalaryn saqtaý boıynsha túsindirme jumystary júrgizildi.
Osy atqarylyp jatqan jumystardyń basty maqsaty, tutynýshylar arasynda gazben baılanysty oqys-oqıǵalardy boldyrmaý.

Shymkent qalasynyń Aqparattyq-kommýnıkasııalyq ortalyǵy

"Qamshy" silteıdi
Ilmek sózder: Kógildir otyn

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir