• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 01:53:47
Almaty
+2°

Foto: Shymkent qalasy ákiminiń baspasóz qyzmeti

Shymkent qalalyq sotynda 2021 jyldyń 9 aıyn qorytyndylaýǵa arnalǵan Keńeıtilgen keńeske qalalyq sottyń tóraǵasy Erbol Rahymbekov, alqa tóraǵalary men sýdıalary, aýdandyq jáne oǵan teńestirilgen sottardyń tóraǵalary men sýdıalary, Sottar ákimshisiniń basshysy men bólim basshylary qatysty.

Keńestiń kún tártibine sáıkes, Shymkent qalalyq sotynyń qylmystyq ister jónindegi sot alqasynyń tóraǵasy Erbol Janǵazın men azamattyq ister jónindegi sot alqasynyń tóraǵasy Muhtar Pármenov qylmystyq jáne azamattyq ister boıynsha 2021 jyldyń 9 aıynda sot tóreligin júzege asyrý barysy týraly baıandama jasady. Sonymen qatar, qalalyq sottyń sýdıasy Aıda Chokmorova tatýlastyrýshy sýdıalardyń jumysy týraly aıtty.

Alqa tóraǵasy E.Janǵazın qylmystyq isterdiń sany ótken jyldyń 9 aıymen salystyrǵanda 8,5 paıyzǵa óskenimen, isterdi qaraýdaǵy qısyndy merzimin saqtap, ásirese, qamaýda otyrǵan adamdardyń isterin sozbalańǵa salýǵa jol berýge bolmaıtynyn eskertti. Odan ári ol: «Qala sottaryna osy merzimde 1557 qylmystyq is túsip, 1429 is qaralǵan. Sotqa deıingi tergep-tekserýde ketken qatelikteri úshin 33 is prokýrorǵa qaıtarylyp, 93 jekeshe qaýly shyǵaryldy. Jazalaý tájirıbesi 6,5 paıyzǵa ósip, jyl basynan 407 adamǵa bas bostandyǵynan aıyrý jazasy taǵaıyndalǵan. Iste qylmystyq quramnyń bolmaýy sebepti 6 adam aqtaldy. Bıyl 9 aıda apellıasııalyq alqada birinshi satyly sottardyń 12 tulǵaǵa qatysty 10 úkimi buzylyp, 52 tulǵaǵa qatysty 40 úkimi ózgertilgen» dedi.

Bıylǵy jyldyń 9 aıynda qala sottaryna túsken azamattyq isterdiń sany byltyrǵy jyldyń 9 aıymen salystyrǵanda 14,3 paıyzǵa artqan. Alqa tóraǵasy M.Parmenov sottarda qaralǵan 13271 istiń 35 paıyzy banktiń nemese qaryz sharttarynan jáne 23 paıyzy otbasylyq qatynastardan týyndaıtyn daýlar sanatyna jatady jáne sottarǵa túsken isterdiń basym bóligin quraıtyny, azamattyq isterdi qaraýda sapa artyp, kúshi joıylǵan jáne ózgertilgen sheshimderdiń sany kemigenine basa nazar aýdardy.

Qalalyq sottyń sýdıasy A.Chokmorova qala sottaryna esep berý kezinde 1083 is nemese medıasııa rásimderi qoldanylýǵa jatatyn isterdiń 10,7 paıyzy tatýlasýmen aıaqtalǵan. Onyń ishinde 975 is medıasııa, 99 is bitimgershilik kelisim, 9 is partısıpatıvtik kelisim jolymen aıaqtalǵan. О́tken jyldyń osy kezeńindegi bitimmen aıaqtalǵan ister sany 939 isti qurasa, bıyl bitimmen aıaqtalǵan ister sany 144 iske artqanyn aıtyp, bul baǵyttaǵy jumystardyń júıeleı túsý kerektigin alǵa tartty.

Keńesti qorytyndylaı kele tóraǵa Erbol Muqajanuly, sýdıalarǵa sot tóreligin júzege asyrýdyń sapasyn jaqsartýdy jáne sot qyzmetkerlerine eńbek tártibin qatań saqtaýdy tapsyrdy. Sot tóreligin júzege asyrýda sapany jaqsartý maqsatynda, 8 sýdıanyń bilimin jetildirý úshin oqytý qajettigin qadap aıtty.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir