Foto: Ashyq derekkóz
Aýyr atletıka federasııasy aýyr atletıkadan Qazaqstan ulttyq quramasynyń bas bapkeri Baqyt Ahmetov qyzmetinen bosatylǵanyn habarlady.
"Bul sheshim Almaty qalasynda QR Mádenıet jáne sport mınıstri Aqtoty Raıymqulova men Qazaqstannyń Aýyr atletıka federasııasy basshylyǵynyń ulttyq quramanyń jattyqtyrýshylar shtabyna qatysty atletter men jattyqtyrýshylardan túsken shaǵymdardy qaraý qorytyndysy boıynsha qabyldandy" delingen resmı málimdemedi.
Federasııa QR Ulttyq Olımpıada komıtetimen birlesip, aldaǵy aýyr atletıkadan Qazaqstan Respýblıkasynyń chempıonaty kezinde ulttyq qurama komandasynyń jattyqtyrýshylar shtabyna úmitkerlerdi irikteýdi arnaıy krıterııler negizinde júrgizýge nıetti ekenin jetkizdi.
Buǵan deıin qyrkúıek aıynda 25 jastaǵy aýyr atlet, Qazaqstan chempıony Albert Lınder ózine qol jumsaǵan. Artynsha qazaqstandyq aýyratletter jattyqtyrýshylar ózderine durys qarym-qatynas jasamaıtynyn aıtyp, ujymdyq shaǵym jarııalady. Buǵan qatysty federasııa ishki tekserý júrgiziletinin habarlady. Uzamaı erler quramasynyń aǵa jattyqtyrýshysy Sergeı Sedov qyzmetinen shettetildi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir