Elde koronavırýstan taǵy 37 adam qaıtys boldy

Densaýlyq saqtaý mınıstrligi 3 qyrkúıektegi epıdemıologııalyq jaǵdaı týraly aqparat jarııalady.

Mınıstrik málimetinshe, Qazaqstanda ótken táýlikte PTR arqyly 1717 adamnan koronavırýs, 46 adamnan pnevmonııa anyqtalǵan.

2 qyrkúıektegi derek boıynsha, elde koronavırýstan 31, pnevmonııadan 6 adam kóz jumǵan. 

El boıynsha koronavırýsqa tapsyrǵan testi oń nátıje kórsetken jaǵdaılardyń jalpy sany 892 710-ǵa jetti. Koronavırýs belgileri bar pnevmonııamen aýyrǵandardyń resmı sany – 76 265.

Koronavırýs ınfeksııasyna qarsy vaksınanyń 1-komponentin 7 716 723 adam, 2-komponentin 6 671 959 adam saldyrǵan.

4 qazandaǵy málimet boıynsha, 59 135 adam koronavırýs ınfeksııasynan emdelýde, olardyń ishinde 10 367 pasıent stasıonarda, 48 768 naýqas ambýlatorııalyq deńgeıde em qabyldaýda.

765 adamnyń jaǵdaıy aýyr, 224 pasıenttiń jaǵdaıy óte aýyr, 144 naýqas О́JJ apparatynda jatyr.

Nur-Sultan, Almaty qalalary, Pavlodar, Soltústik Qazaqstan oblystary "Qyzyl" aımaqta ornalasqan.

Shymkent qalasy, Qaraǵandy, Aqmola, Atyraý, Almaty, Aqtóbe, Qostanaı, Batys Qazaqstan, Shyǵys Qazaqstan oblystary "Sary" aımaqta.

"Jasyl" aımaqta – Túrkistan, Jambyl, Qyzylorda, Mańǵystaý oblystary.