• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 04:02:05
Almaty

Foto: Shymkent qalasy ákiminiń baspasóz qyzmeti

Búgingi QR Premer-Mınıstri Asqar Mamınniń tóraǵalyǵymen ótken Úkimet otyrysynda óńirlerdiń 2021-2022 jyldardaǵy jylý berý maýsymyna daıyndyq jumystary pysyqtaldy. Selektorlyq rejımde ótken otyrysqa Shymkent qalasynyń ákimi Murat Áıtenov, orynbasarlary men barlyq basqarma basshylary qatysty.

Aımaqtardaǵy daıyndyq barysy jóninde baıandaǵan QR Energetıka mınıstri Maǵzum Myrzaǵalıev Shymkenttegi bilim berý, densaýlyq saqtaý nysandarynyń aldaǵy jylytý maýsymyna 100 paıyz daıyn ekendigin aıtty.

Qalada ortalyqtandyrylǵan jylý júıesine qosylǵan 1 945 kópqabatty turǵyn úı bar. Onyń 1 847-si, ıaǵnı 95%-y jylý maýsymyna daıyn. Qalǵan turǵyn úılerde daıyndyq jumystary jalǵasyp jatyr. Al, áleýmettik nysandar – bilim (256), densaýlyq saqtaý (109), sport (33), jumyspen qamtý (14) nysandary tolyǵymen daıyn.

«Qýatjylýortalyq-3» MKK-na qarasty 12 dana jylý qazandyǵy, 17 sorǵy stansalary 100% jylý maýsymyna daıyn. «K-19», «PMK-49» qazandyqtaryna qajetti 1,1 myń tonna kómir tasymaldanǵan.

Shymkenttegi jylý júıeleriniń tozý deńgeıin tómendetý maqsatynda bıyl 29,5 shaqyrym jylý júıelerine aǵymdaǵy jóndeý jumystary júrgizilýde. Búgingi tańda onyń 28,4 shaqyrymynda jóndeý jumystary aıaqtaldy. Bul 96% qurap otyr, qazan aıyna deıin jumystar tolyǵymen aıaqtalady.

Qala turǵyndary jylý maýsymynda 77,6 myń tonna kómirdi qajet etedi. Qazirgi ýaqytta qoımada 56 myń tn. kómir bar (72%). Alaıda, turǵyndardyń qajettiligine qaraı kómir tasymaldanatyn bolady.

Infraqurylym júıeleriniń: tabıǵı gaz - 100%, elektr – 90%, aýyz sý – 85% daıyn.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir