"Kaspıı-Antıterror-2021" oqý-jattyǵýy bastaldy

Aqtaý qalasynda TMD-ǵa qatysýshy memleketterdiń qaýipsizdik organdary men arnaýly qyzmetteriniń terrorızmge qarsy bólimsheleri basshylarynyń jıyny ótýde, dep habarlaıdy UQK baspasóz qyzmeti.

2021 jylǵy 2 qyrkúıekte Aqtaý qalasynda TMD-ǵa qatysýshy memleketterdiń Terrorızmge qarsy ortalyǵy (TMD TQO) Qazaqstan Respýblıkasynyń Ulttyq qaýipsizdik komıtetimen (QR UQK) birlesip, TMD-ǵa qatysýshy memleketterdiń qaýipsizdik organdarynyń terrorızmge qarsy bólimsheleri men arnaýly qyzmetteri basshylyq quramynyń jıyny ótkizildi.

Jıynnyń negizgi is-sharasy Dostastyq elderiniń quzyretti organdarynyń «Kaspıı-Antıterror-2021» birlesken antıterrorıstik oqý-jattyǵýynyń qorytyndy kezeńin ótkizý.

Jıynnyń ashylýyna TMD TQO basshysy polısııa general-polkovnıgi
A.P. Novıkov, QR UQK Tóraǵasy ulttyq qaýipsizdik general-leıtenanty
K.Q. Másimov, Shanhaı yntymaqtastyq uıymy О́ńirlik terrorızmge qarsy qurylymy Atqarýshy komıtetiniń dırektory D.F. Gııosov jáne basqalary qatysýda.

Jıyn baǵdarlamasynda mynalar kózdelgen:

* 2021 jylǵy 23-26 tamyz kezeńinde 8 memlekettiń: Armenııa, Belarýs, Qazaqstan, Qyrǵyzstan, Moldova, Reseı, Tájikstan jáne О́zbekstan aýmaqtarynda TMD TQO úılestirýshi rólinde ótkizgen «Kaspıı-Antıterror-2021» TMD-ǵa qatysýshy memleketterdiń quzyretti organdarynyń birlesken antıterrorıstik oqý-jattyǵýynyń (budan ári – oqý-jattyǵý) birinshi kezeńiniń qorytyndylaryn shyǵarý;

* oqý-jattyǵýdyń mynalardy:

- Respýblıkalyq jedel shtabtyń jumysyn kórsetýdi;

- Qazaqstan Respýblıkasynyń áleýetti vedomstvolarynyń bólimshelerin tarta otyryp, kepilge alynǵandardy bosatý jáne terrorısterdi beıtaraptandyrý jónindegi terrorızmge qarsy operasııa júrgizýdi («Burǵylaý qondyrǵysy» jáne «Keme» obektileri);

- teńiz ınfraqurylymy men munaı-gaz salasynyń shartty obektilerinde terrorıstik aktiniń saldaryn joıý boıynsha Qazaqstan Respýblıkasy TJM-nyń is-qımylyn kórsetýdi qamtıtyn ekinshi kezeńin (Aqtaý qalasynyń teńiz porty) iske asyrý.

Jıynǵa TMD-ǵa qatysýshy memleketterdiń qaýipsizdik organdary, arnaýly qyzmetteri – Ázirbaıjan Respýblıkasy MQQ, Armenııa Respýblıkasy UQQ, Belarýs Respýblıkasy MQK, Qazaqstan Respýblıkasy UQK, Qyrǵyz Respýblıkasy MUQK, Moldova Respýblıkasy AQQ, Reseı FQQ, Tájikstan Respýblıkasy MUQK, О́zbekstan Respýblıkasy MQQ delegasııalary;

- TMD Atqarýshy komıteti men salalyq yntymaqtastyq organdarynyń (Shekara áskerleri qolbasshylary keńesiniń, Qorǵanys mınıstrleri keńesi Hatshylyǵynyń, Keden qyzmetteri basshylary keńesi quqyq qorǵaý bólimsheleri basshylary komıtetiniń, Qarjylyq barlaý bólimsheleri basshylary keńesiniń, Memleketaralyq avıasııa komıtetiniń úılestirý qyzmetiniń); Shanhaı yntymaqtastyq uıymy О́ńirlik terrorızmge qarsy qurylymy Atqarýshy komıtetiniń, Ujymdyq qaýipsizdik týraly shart uıymy Hatshylyǵynyń, Esirtki quraldarynyń, psıhotroptyq zattar men olardyń prekýrsorlarynyń zańsyz aınalymyna qarsy kúres jónindegi Ortalyq Azııa óńirlik aqparattyq úılestirý ortalyǵynyń delegasııalary;

- Qazaqstan Respýblıkasynyń mınıstrlikteri men vedomstvolarynyń (Qorǵanys mınıstrligi, AQDM, TJM, IIM jáne basqalary) ókilderi qatysýda.