B. Saǵyntaev Almatynyń metro men magıstraldy joldarynyń qurylys qarqynyn tekserdi

Jumys sapary kezinde Almaty ákimi Baqytjan Saǵyntaev Naýryzbaı aýdanyndaǵy eki metro stansııasynyń, ınjenerlik jelilerdiń, Abaı dańǵyly men Alataý kóshesin úńgileýdiń qurylys qarqynyn tekserdi.

Salynyp jatqan metro stansııalaryn aralaý kezinde qala ákimine qural-jabdyqtardy jetkizý, qurylys jáne árleý jumystarynyń jaǵdaıy týraly baıandaldy. «Saryarqa» men «Dostyq» stansııalarynyń daıyndyǵy 80%-dan asady. B. Saǵyntaev metro qurylysyn belgilengen merzimde aıaqtalýyna baqylaýdy kúsheıtýdi jáne qosymsha jumys kúshin jumyldyrý qajettigine nazar aýdardy.

Metronyń basqa nysany - Qalqaman stansııasynda montajdy-shıtti qazý jumystary daıyn jáne úshinshi iske qosý kesheni týnnelindegi jumystar qarqyndy júrýde. Megapolıs ákimi B. Saǵyntaev Iаssaýı kóshesinen Naýryzbaı dańǵylynyń ákimshilik ortalyǵyna deıin uzaratyn Abaı dańǵylyndaǵy jol jamylǵylaryn tóseýdi jyldamdatýdy tapsyrdy.

Almatynyń negizgi arterııalarynyń biri – Abaı dańǵylyn úńgileý jumystary 70%-ǵa oryndaldy. B. Saǵyntaev aǵymdaǵy jyldyń sońyna deıin dańǵylda kólik qozǵalysyn ashýdy mindet etip qoıdy. Jańarǵan Abaı dańǵyly Raıymbek dańǵylymen túıisip, Alataý kóshesine shyǵady. Qazir Alataý kóshesinde asfalttyń joǵarǵy qabatyn tóseý, trotýar men velosıped joldaryna jaryq júıesin ornatý, abattandyrý jumystary júrýde. Nysan shamamen 80%-ǵa daıyn. Jumysty tolyq aıaqtaý kúzge josparlanǵan.

Qala ákimi Shuǵyla shaǵyn aýdanyndaǵy «Alma sıtı» TK-niń qurylys barysyn qarap shyqty. «Nurly jer» memlekettik baǵdarlamasy aıasynda munda 3788 páterli 128 úı salynady. Olardy halyqtyń áleýmettik osal toptary men kópbalaly analarǵa bóletin bolady. Budan ózge, jumys isteıtin jastarǵa jalǵa jáne nesıege beriletin baspana usynylady. B. Saǵyntaev qurylys júrgizýshiniń nazaryn salynyp jatqan úılerdiń sapaly ári qasbetteriniń zamanaýı qala talaptaryna saı bolýyna aýdardy.

Megapolıs ákimine qalanyń osy bóligin damytýdyń aldyn ala jasalǵan jospary da kórsetildi. Keshendi jospar boıynsha árqaısysy 1200 oryndy úsh mektep, sondaı-aq balabaqsha men SOSO ornalasatyn nysandar salý da qarastyrylǵan. B. Saǵyntaev turǵyndar bos ýaqyttaryn ótkizetin saıabaq aýmaqtary men skverlerdiń oryndaryn belgileýdi tapsyrdy.

Naýryzbaı aýdanyndaǵy Qonaev kóshesi boıyndaǵy Iаssaýı kóshesinen Áshimov kóshesine deıingi ýchaskesi rekonstrýksııalanýda. Osy ýchaske arqyly Jandosov kóshesinen qaladan shyǵýǵa bolady. Rekonstrýksııa tar kósheni keńeıtedi ári trotýary men velosıped joldary bar tórt jolaqty jol salynady. Kólik qozǵalysy úshin ony kúzde ashý josparlanýda.

B. Saǵyntaev Taýsamaly, Aqjar, Quramystaǵy ınjenerlik jelilerdiń qurylysyn, Tastybulaq shaǵyn aýdanyndaǵy joldy qalpyna keltirý jumysyn taǵy bir ret qarap shyqty. Sońǵy shaǵyn aýdan turǵyndary jumys sapasyna qatysty aıtqan ótinishterine der kezinde nazar aýdarǵany úshin alǵystaryn bildirdi. Qala ákimi jergilikti turǵyndardy belsendilik tanytýǵa jáne merdigerdiń sapasyz jumysyna eskertý jasaýǵa shaqyrdy.

Budan ózge, B. Saǵyntaev Qarǵaly ózeni boıyndaǵy sý daıyndaý stansııasynyń qurylys barysyn tekserdi. Jobanyń merdigeri barlyq qajetti qural-jabdyqtardyń alynǵanyn, nysandy jyl sońyna deıin paıdalanýǵa berýdi josparlaǵandaryn baıandady.

Jalpy, Aqjar, Shuǵyla, Tastybulaq, Taýjoly, Jaılaý, Qarǵaly, Quramys shaǵyn aýdandarynda 122 shaqyrym sý qubyry men 85 shaqyrym káriz jelileri salynýda. Jumys tolyq aıaqtalǵannan keıin, onyń ishinde Qarǵaly súzý stansasynyń qurylysy bitken soń, aýdannyń 70 myń turǵyny taza aýyz sýmen qamtamasyz etiletin bolady.

Almaty ákimi «Bıýdjetke qatysý» jobasy aıasynda Qalqaman jáne Quramys shaǵyn aýdandarynyń turǵyndary tańdaǵan balalardyń oıyn alańdary, sport jáne vorkaýt alańdary salynatyn jobalarmen tanysty. B. Saǵyntaev Aqjar shaǵyn aýdanyndaǵy Jandosov kóshesi boıynda salynyp jatqan jaıaý júrginshiler aımaǵyn da qarap shyqty.