• USD 424.85

  • EUR 504.21

  • RUB 5.84

  • CNY 65.86

16 Qazan, 02:51:19
Almaty
+4°

Almatyda ekinshi jyl qatarynan dárigerler beıne jáne aýdıo baılanys arqyly úıde COVID-19 emdelip jatqandardyń jaǵdaıyn baqylaıdy. Almaty qalasynyń Telemedısına ortalyǵy basshysynyń mindetin atqarýshy Juldyz Baýyrjanqyzy О́ńirlik kommýnıkasııalar qyzmetiniń baspasóz konferensııasynda áriptesteriniń jumysy týraly aıtty.

Almaty Telemedısına ortalyǵynyń dárigerleri kún saıyn megapolıs turǵyndarynan 5 myńǵa jýyq qońyraý qabyldaıdy jáne emdelip jatqan almatylyqtardyń nómirine 57 myńǵa jýyq shyǵys qońyraý jasaıdy. Juldyz Baýyrjanqyzynyń aıtýynsha, olar táýlik boıy jumys isteıdi jáne pasıenttermen beıne jáne aýdıo baılanys arqyly baılanysady.

«Almatynyń Telemedısına ortalyǵy ótken jyldyń qyrkúıeginde Ortalyq qalalyq klınıkalyq aýrýhanasynyń bazasynda quryldy. Búginde dárigerler orta eseppen kún saıyn bes myńǵa jýyq qashyqtan konsýltasııa júrgizedi,táýligine eki ret - tańerteń jáne keshke habarlasamyz. Eger syrqattanǵan adamda sımptomdar anyqtalsa, mamandar ony tekseredi nemese aýrýhanaǵa jatqyzý týraly sheshim qabyldaıdy. Telemedısına eki negizgi mindetti sheshýge múmkindik berdi: naýqastyń jaǵdaıy únemi baqylanady, sonymen qatar densaýlyq saqtaý júıesine shamadan tys júktemeni túsirmeıdi», - dedi J. Baýyrjanqyzy.

Qajetti tekserýlerdi júrgizgennen keıin jedel járdem dárigerleri nemese emhanalar naýqasty gospıtalızasııalaý nemese úıde emdeý týraly sheshim qabyldaıdy. Eger naýqas COVID-19-ben syrqattansa, onda telemedısına ortalyǵy men emhana dárigerleriniń baqylaýynda bolady. Eger densaýlyǵy nasharlasa, dáriger naýqasty úıde jeke tekseredi nemese jedel medısınalyq kómek kórsetiledi. Sonymen qatar, ortalyq dárigerleri ekpe alǵan qalalyqtardyń densaýlyǵyn baqylaıdy.

Ol Almatydaǵy Telemedısına ortalyǵynyń telefon nómirlerin eske saldy: uıaly telefonnan 1312 jáne qalalyq nómirlerden 300-05-05.

Eske salsaq, búginde Almatyda Telemedısına ortalyǵy mamandarynyń baqylaýynda 13 134 naýqas bar, olardyń 41-i stasıonardan keıingiler. Barlyǵy 78 469 KVI indeti jańa anyqtalǵan naýqastar baqylaýǵa alyndy, onyń ishinde 3 348-i stasıonardan shyqqandar.

Kúnine 4 720-dan astam shyǵys jáne kiris qońyraýlar óńdeledi, qazirgi ýaqytta ortalyq 81 375 kiris jáne 609 920 shyǵys qońyraýlarǵa qyzmet kórsetti.

Juldyz Baýyrjanqyzy Almatynyń Telemedısına ortalyǵynyń júktemesi ótken aımen salystyrǵanda 3-4 esege artqanyn aıtty. Eger maýsym aıynda shamamen 3 021 kiris jáne 53 196 shyǵys qońyraý tirkelse, al 1-16 tamyz aralyǵynda 14 262 kiris, 56 733 shyǵys qońyraýlar tirkeldi.

Spıker konsýltasııalardy túrli profıldegi dárigerler júrgizetinin aıtty. Olardyń ishinde: jalpy tájirıbe dárigeri, ınfeksıonıst, terapevtter, kardıologtar, gınekologtar, reanımatologtar jáne basqalary bar. Qazirgi ýaqytta Telemedısına ortalyǵynda 76 qyzmetker aýysymmen jumys jasaýda.

"Qamshy" silteıdi
Ilmek sózder: Almaty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir