"О́lsem de basqa qujat jasatpaımyn". Tursynbek Qabatov atyshýly daýǵa jaýap berdi (vıdeo)

Tanymal ázilkesh, shoýmen Tursynbek Qabatov UBT-ǵa qyzynyń ornyna basqa bireýdi kirgizdi delingen daýǵa jaýap berdi. Ol qyzynyń ornyna basqa adam test tapsyrýǵa kirgeninen beıhabar ekenin jetkizip, áleýmettik jelidegi paraqshasynda vıdeojazba jarııalady.

Vıdeoda Qabatovtyń repetıtor delingen Nurbek esimdi jigitpen telefon arqyly sóılesip, jaǵdaıdyń qalaı bolǵanyn suraǵany kórsetilgen. Vıdeodaǵy áńgimede test tapsyrýǵa ózge adamdy kirgizý repetıtordyń ıdeıasy ekeni, Tursynbek Qabatov budan beıhabar bolǵany aıtylady. Repetıtor delingen adam áreketin shákirtine joǵary ball alyp berýge tyrysqanymen túsindiredi.

– Bolatyn jaǵdaıdy maǵan aıtpaı, anasyna aıtpaı ondaı tirlikke bardyń, birinshiden? Ekinshiden ol qyz kim, ony kim tapty? Sen be tapqan?! Qazir halyq ne aıtyp jatqanyn bilesińder me? Jelide "Tursynbektiń qyzy jalǵan qujat jasap, UBT-ǵa kirdi" dep aıtyp jatyr. Sen qyzyma aıtpaı UBT-ǵa baryp, qujatyn, telefondaryn tapsyrǵannan keıin qyzyma kómektesetinderińdi aıtqansyńdar. Nege osyny bizben aqyldaspadyńdar? Sen qylmysqa barǵanyńdy bilesiń be? Men seni sottaıyn dep jatqan joqpyn. О́zińde aqyldy balasyń ǵoı. Esiń durys pa?

Men saǵan sendim jaqsy repetıtor bolǵandyqtan. Sen onsyzda bilesiń Ádemige (Tursynbek Qabatovtyń qyzy - red) joǵary balldyń qajet emesin. Ol jyl basynan shetelge oqýǵa túsýge daıyndalyp jatqanyn bilesiń. Men bireýdiń aýzyn jyryp, grantyn alǵym kelip turǵam joq. Men ólsem de basqa qujat jasatpaımyn. Meniń qyzym basynan UBT-ǵa aldyn ala adam daıyndap, kirgizip jibergendeı bolyp qaldy. Men kesheden beri jelige shyǵa almaı jatyrmyn. Maǵan eshkim senbeıdi.

Men seni kórgen de joqpyn. Anaý qyzdy da (Ádemi Qabatovanyń ornyna UBT-ǵa kirgen qyz) kórgen joqpyn. Sender meniń qyzymdy aldap sondaı áreketke baryp otyrsyńdar, – dep aıtylǵan vıdeoda. 

Buǵan deıin áleýmettik jelide Tursynbek Qabatovtyń qyzynyń ornyna UBT-ny basqa qyz tapsyryp shyqqany týraly aqparat jarııalanǵan. 

Belgili zańger Abzal Quspan Facebook paraqshasynda 13 maýsym kúni Ádemi Tursynbekqyzy Amanǵalıdyń ornyna test tapsyrýǵa EUÝ-dyń 2-kýrs stýdenti, grantta oqyp júrgen Symbat Qanaı esimdi qyz kirgenin aıtyp, "Tursynbektiń qyzy jalǵan qujat jasady" dep málimdegen.

"Testileýge kirý barysynda barlyq testilenýshiler, Tursynbektiń qyzynyń ornyna basqa tulǵanyń jalǵan qujatpen kirgenine kýá bolǵan" deıdi zańger.

Aıtýynsha, Tursynbek Qabatovtyń qyzy sáýir, mamyr aılarynda birneshe ret test tapsyryp, tómen ball (60 balǵa jetpegen) jınaǵan. Qyzy Astanadaǵy eń úzdik dep tanylǵan mektepti Altyn belgige bitirgen. 

 

 

 

Posmotret etý pýblıkasııý v Instagram

 

 

 

Pýblıkasııa ot Kabatov Tursynbek (@kabatov_tursinbek_resmi)