Koronavırýs. Bir táýlikte 126 adam qaıtys boldy

Densaýlyq saqtaý mınıstrligi 2 tamyz kúngi epıdemıologııalyq jaǵdaı týraly aqparatty jarııalady. 

Mınıstrik málimetinshe, bir kúnde PTR test arqyly 7841 adamnan koronavırýs, 46 adamnan pnevmonııa anyqtalǵan. 126  adam koronavırýstan, 16 naýqas pnevmonııadan kóz jumǵan. 

Búginde barlyq óńir koronavırýstyń taralýy boıynsha "qyzyl" aımaqqa engen.

3 tamyzdaǵy málimet boıynsha, 102 839 adam koronavırýstan, 2 694 adam pnevmonııadan emdelip jatyr. Olardyń ishinde  29 138 pasıent stasıonarda, 73 701 naýqas ambýlatorııalyq deńgeıde em qabyldaýda. Indetke shaldyqqandar arasynda 1 707 adamnyń jaǵdaıy aýyr,  395 pasıenttiń jaǵdaıy óte aýyr,  197 naýqas О́JJ apparatynda jatyr.

2021 jylǵy 3 tamyzdaǵy málimet boıynsha Qazaqstanda 5 480 094 adam vaksınanyń I komponentin, 3 941 941 adam II komponentin saldyrǵan.