• USD 475.51

  • EUR 464.15

  • RUB 8.2

  • CNY 66.85

03 Qazan, 21:00:44
Almaty
+12°

Aqmola oblysyna jasaǵan jumys sapary barysynda Qasym-Jomart Toqaevqa aımaq ákimi Ermek Marjyqpaev óńirdegi júzege asyrylyp jatqan ınvestısııalyq jobalar men Kókshetaý qalasynyń damý perspektıvalary týraly esep berdi.

Prezıdent aýyl sharýashylyǵy mashınalaryn jasaý isin damytý máselesine nazar aýdaryp, Kókshetaý qalasy osy saladaǵy basty tirek ortalyqtardyń biri ekenin atap ótti.

– Bul – el ekonomıkasynyń asa mańyzdy ári perspektıvti  baǵyty.  Búgin men Qazaqstannyń aýyl sharýashylyǵy derjavasyna aınalýy tıis dep aıttym. Bul – órshil, biraq qol jetkizýge bolatyn maqsat. Osy rette oblystyń rólin asyra baǵalaý qıyn. Bul baǵytta biz memleketimizdiń aýyl sharýashylyǵy áleýetin kúsheıtýge baǵyttalǵan Aqmola oblysynyń kúsh-jigerin qoldaımyz, – dedi Qasym-Jomart Toqaev.

Qasym-Jomart Toqaev aýyl ákimderiniń tikeleı saılaýyn ótkizý týraly sheshimniń durystyǵyna taǵy bir márte toqtaldy. Prezıdenttiń aıtýynsha, saılaý ashyq ári ádil ótti. Turǵyndar tarapynan shaǵym túspegen.

– Endi, jergilikti ákimder ózderin saılaǵan azamattardyń aldynda tikeleı jaýap beredi. Olardyń óz baǵdarlamalary boldy. Sol baǵdarlamalardy júzege asyrýy qajet. Sonymen qatar oblys ákimderi saılanǵan azamattarǵa kómektesýi kerek. Osy rette men myna máselege erekshe mán bergim keledi. Saılanǵan ákimder ózderiniń kezdeısoq saılanbaǵanyn ispen dáleldeýi qajet. Olar óz baǵdarlamalaryn sózben emes, ispen oryndaýǵa tıis. О́kinishke qaraı, biz kóp sóılep, az is atqaramyz. Al biz bul jaǵdaıdy 180 gradýsqa ózgertkenimiz jón. Iаǵnı, kóp istep, az sóıleýimiz qajet, – dedi ol.

"Qamshy" silteıdi
Ilmek sózder: Toqaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir