• USD 424.85

  • EUR 504.21

  • RUB 5.84

  • CNY 65.86

08 Jeltoqsan, 09:56:09
Almaty
+7°

Pavlodar oblysy Ekibastuz aýyldyq okrýgine qarasty bes aýyldyń ákimi tártiptik jaýapkershilikke tartylǵanyna qaramastan aldaǵy saılaýǵa qatysýǵa ruqsat alǵan. Bul týraly kerek.pv instagram paraqshasynda habarlandy.

Paraqshadaǵy jazbada jýrnalıst pen aımaqtyq saılaý komıssııasynyń tóraǵasy Sansyzbaı Tóleýbaev ekeýiniń áńgimesi jarııalanǵan. 

Jýrnalıst Sansyzbaı Tóleýbaevtan "aýyldyq okrýgke qarasty bes aýyl ákimi aldaǵy saılaýǵa qatysa ma?" dep suraıdy. Sansyzbaı Tóleýbaev birneshe jyl qyzmet etken ákimderdi saılaýǵa jibermeý durys bolmaıtynyn, sondyqtan Ekibastuz aýyldyq okrýgindegi bes ákimge saılaýǵa túsýge múmkindik berilgenin aıtady.

Jýrnalıst jýyrda ǵana tártiptik jazaǵa tartylǵan ákimder qalaı ǵana saılaýǵa qatystyrylǵaly jatqanyna tańdanys bildirip, munyń sebebin túsindirýdi ótinedi.

Saılaý komıssııasynyń tóraǵasy ákimderdiń saılaýǵa qatysýǵa jiberilýi zańǵa qaıshy emes ekenin, memlekettik qyzmet jónindegi agenttik ruhsat bergenin jetkizgen. 

Memlekettik qyzmet ótkerýdiń keıbir máseleleri týraly prezıdenttiń 2015 jylǵy 29 jeltoqsandaǵy № 152 jarlyǵyna saı, memlekettik qyzmetke nuqsat keltirgen áreketi úshin sońǵy úsh jylda tártiptik jaýapkershilikke tartylǵan azamat memlekettik qyzmetke taǵaıyndalmaýy kerek.

Áleýmettik jelidegi jazbada saılaýǵa túskeli otyrǵan bes ákim "Eńbek" baǵdarlamasyn júzege asyrý barysynda zań buzýshylyqqa jol bergeni úshin tártiptik jazaǵa tartylǵany, olardyń keıbiri aýyldyq eldimekendi 8 jyldan beri basqaryp kelse, biri 21 jyldan beri qyzmetinde otyrǵany aıtylady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir