• USD 424.85

  • EUR 504.21

  • RUB 5.84

  • CNY 65.86

19 Qazan, 18:04:07
Almaty
+15°

Prezıdent Qasym-Jomart Toqaev Nur-Sultan qalasyndaǵy turǵyn úı keshenindegi lıftte monıtordy shaqqan mas er adamnyń áreketine pikir bildirdi. Bul týraly Aqorda saıty habarlady.

– Jýyrda elordada mas adam lıfttegi monıtordy syndyrǵany úshin oǵan 14 myń teńge ǵana aıyppul salynǵan. Bulaı bolmaıdy. Mundaı is-áreket úshin keminde 15 táýlikke qamaý kerek nemese 1 jylǵa túzetý jumystaryna salý jóninde jaza kesý qajet. Mundaı jaǵdaılarǵa múldem tózbeý kerek. Jeńil jaza jaramaıdy. Al is júzinde jazalamaý saldary quqyq buzýshylyq pen qylmystyń odan ári órshýine alyp keledi. Sondyqtan osy másele boıynsha zańnamany qatańdatý kerek, – dedi prezıdent.

Buǵan deıin áleýmettik jelide elordada lıft kabınasyna ornatylǵan monıtordy syndyrǵan er adamnyń vıdeosy taraǵan. Artynsha er adam mas kúıde bolǵany anyqtaldy. Oǵan qatysty qoǵamdyq tártipti buzǵany úshin Ákimshilik quqyq buzýshylyq týraly zańnamanyń 434-baby boıynsha ákimshilik is qozǵalyp, 5 AEK (14585 tg) kóleminde aıyppul salynǵan.

 

"Qamshy" silteıdi
Ilmek sózder: Qasym-Jomart Toqaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir