Foto: Ashyq derekkóz
Elorda ákimi Altaı Kólginov Nur-Sultan koronavırýsqa shaldyǵýshy naýqastar sany azaımaı turǵanyn aıtty.
Ákim turǵyndardy vaksınasııadan ótýge shyqyryp, juqtyrý kórsetkishi azaımasa, lokdaýnǵa qaıta oralýǵa týra keletinin málim etti.
– Sanıtarlyq dárigerler karantındik sharalardy qatańdatý týraly jańa qaýly daıyndaýda. Táýekel tobyndaǵy azamattarǵa mindetti túrde vaksına alýdy usynamyz. Bul topqa pedagogtar, medısına qyzmetkerleri, áleýmettik qyzmetkerler, mektep, balabaqsha, ýnıversıtet qyzmetkerleri, qyzmet kórsetý salalary, ıaǵnı halyqqa qyzmet kórsetý ortalyǵy, bankter, shashtarazdar, sulýlyq salondary, talapkerler (18 jasqa tolǵan), sondaı-aq qalanyń tynys-tirshiligin qamtamasyz etetin qyzmetkerler jatady.
Qala turǵyndarymen tikeleı baılanysta bolatyn jáne jumys isteıtin qyzmetkerler túsinýi kerek. Eń aldymen ózin jáne aınalasyndaǵy adamdardy qorǵaýy qajet. Mysaly, qoǵamdyq tamaqtaný oryndary, meıramhanalar nemese saýda oıyn saýyq ortalyqtarynda bóten adamdarmen tikeleı baılanysatyn bolsańyz, eń aldymen vaksınasııadan ótip, ózińizdi jáne aınalańyzdaǵy jurtty qorǵaýyńyz kerek. Eger atalǵan uıym qyzmetkerleri vaksınasııalanbasa, nysannyń jumysy toqtatylady, – dedi A.Kólginov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir